MATIUS 12:20 - Allah Wene Fano Wene Hupla Inane

²⁰ O wurep oba aren wene afuni inoba figik, kotik, higithogoat hilingiti logolik, at omame asigin oba andi oan werek kwelek, findayo oak kwanirek mene aren sombologo lakfisigik, nen, esage amulok lagagi'lek hule nek lagaikhe halok he, aren nagulisigik igin legaro.

MATIUS 12:20 ပူးပေါင်းရင်းမြစ်များ

2 RAJA-RAJA 18:21

Haren he, ap tentara Mesir mene nen elok lebetneogoin, iluk inoba fanggoksek welagen andi, an nelu meneat he, it ap inoba himbirik welagen mene andi re, we haren sige tomuk pare meneba himbirik logou hagat welagen o. Ma re, haren sige tomuk andi lisogo waluk lagain halok, sige andi obakhe tulem fulokhogo hat henggi fo'lokhogo hoasigin o. Andi higit he, afuni ekhe nen, afuni Mesir mene inoe raja andi nen elok telninabigin, iluk inendawinggen at oba fanggoksek welagaikharek mene andi, a'nogoat hilinginabigin o, iluk ikhe, yaga'no” iluk yagaisasikhe.

MAZMUR 147:3

Afuni inendawinggen mondok weaga'luk werek mene re Aren fano hilingfisikherek, nen it inendawimo inoumo hak werek mene re, Aren inagambut waganogo leget fisikherek.

MAZMUR 51:17

Neisena Allah, an naneba fogethafi logoigen he, Haren an nambe hutfein o.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

IMAMAT 10:20

Iluk yagatikhemo at ane onggo a'nogo yagatikhe andiba Musa endawimo fano anggasikhe.

MATIUS 11:28

Hit hinoba enggin-fenggin hikhi logolik set kwil-kwalhogo hilingiti lagep mene andi, an nen hinoba korogo hinobagagin enggere noba we'ni o.

MATIUS 11:7

A'nogo isikhemo, it Yohanes agoromi omanogo lagaukwama re, at Yesus nen afuni hokhorogo omanogo Yohanes abok mel yagaisasikhe: ”Hit he, o leimo afuni le'ma andoma nena mene hineilenggen houwogeluk laga lagep nogo? Findayonggen sogoien funhogo lagik-wagik ugunem houwogeluk laga lageba?

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

2 KORINTUS 2:14

A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.

2 KORINTUS 2:7

Hobuk he, at weak hilingitikhe mene andi, endawimo mondok weak asimbik, ebe weak asinogo iluk he, endawimo fano asuageluk weak hilingitikhe mene hiren sebelogo herakfisaluk, endawinggen sebelino.

WAHYU 6:2

A'nogo ugunem, neilenggen yethigi hak he, ap ekhe sikhe waluk kware-kware ap inenupogot ikfisagarek mene unggul oba ikfagama, wam kuda esi mola kut mene amboroba hurek logolik, o sebeligeluk sebelik nugunem yethigi o.