MATIUS 12:19 - Allah Wene Fano Wene Hupla Inane

¹⁹ Aren afuni inom wene palhik, ane puk weak wenagisigik, afuni kwe hokho yagokwe lagunem ane holuageluk hokhorogo yagaisigik, ikhi logogin lego.

MATIUS 12:19 ပူးပေါင်းရင်းမြစ်များ

YESAYA 42:2

Ebekhalem afuni kwe laga logolik inesanggo holhi logouwagaluk, At ane hokhorogo kwe igik, ngai igik, ikhi logogin lek.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

MATIUS 12:20

O wurep oba aren wene afuni inoba figik, kotik, higithogoat hilingiti logolik, at omame asigin oba andi oan werek kwelek, findayo oak kwanirek mene aren sombologo lakfisigik, nen, esage amulok lagagi'lek hule nek lagaikhe halok he, aren nagulisigik igin legaro.

LUKAS 17:20

A'nogo lakfesikhemo hobuk he, it ap Farisi mene nen, mel isukwa: ”At Allah nen o mera nen awe a'ma ninobagai wesigin,” iluk heinok wanhukwama, at Yesus nen he, mel yagaisasikhe: ”At Allah awe a'ma hinobagaigeluk wesigin andi re, afuni nen futfouwageluk elalin mene ekhe ineil oba hilingiti'lek werek kwelegat wesigin o.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.