MATIUS 11:8 - Allah Wene Fano Wene Hupla Inane

⁸ I a, athe, nena mene houwogeluk laga lagepsik. Ap ekhe asu fano mondok mene laberek were'ma houwogeluk laga lagep yet hani! Inasu fano mene laberagarek andi, kaindek inenu werek mene inaiba logolik halogat laberagarek.

MATIUS 11:8 ပူးပေါင်းရင်းမြစ်များ

2 RAJA-RAJA 1:8

Heinok wogisasikhemo, iren onggo ikhi logolik he, ”Asu jubah inom, alinggin ban inom he wam agap mene puksek welaga,” iluk yagatukwa. Andi isukwama at raja nen he, ”O, andi re hun Elia,” iluk isikhe.

YESAYA 20:2

Andi hilinglagi'lek werek kwelek tahun henagan welagaukwa andem oba Tuhan nen Yesaya hun Amos amlogo a'nogoba re su karung mene inom eiso'ma ugu mene inom laberek mene andem nonggologo fouwageluk yagatikhe. Ma re, aren ane hologo hilingitikhesik asu inom eisok agut inom laberek legengge laga lagaikhe.

ZAKHARIA 13:4

Linggene andi sambul he, ap nabi re nabi ebe mene nen hilingiterek mene omanogo hilingisu inenggali agu nen hilingiti logogun. Iren inabikanggoba wokhikhi lago iluk foget fakhikhi logolik ineranhogo wene lalinabuogeluk su ap nabi nen labetarek mene omanogo labeti logogun lek.

MATIUS 11:7

A'nogo isikhemo, it Yohanes agoromi omanogo lagaukwama re, at Yesus nen afuni hokhorogo omanogo Yohanes abok mel yagaisasikhe: ”Hit he, o leimo afuni le'ma andoma nena mene hineilenggen houwogeluk laga lagep nogo? Findayonggen sogoien funhogo lagik-wagik ugunem houwogeluk laga lageba?

MATIUS 11:9

Halok he, nena mene houwogeluk lagepsik. I a, athe, ap Allah ane yagaisikherek mene ekhe were'ma hineilenggen houwogeluk laga lagepsiga? Eberogoat, andi aro. An nen yagahisak. It ap Allah ane yagaisikhi lagaukwa mene ekhe welagaukwa meneat he, it andi elo'lek hak. At Yohanes andi nek he, enu werek esinaro.

MATIUS 3:4

Wagaikhesik, leimo afuni le'ma andoma logolik, wam unta esi mene igisogo re, asu laberigik, agap mene nonggologo fanorogo hilingisogo re, alinggin ikhigik, ikhi logolik sumburu na hak he, pulue mene ninggik, kin amusu enggama mene ninggik, ikhi lagaikhe.

LUKAS 7:25

I a, athe, nena mene hineilenggen houwogeluk laga lagep. Ap ekhe asu fano mondok mene laberek were'ma houwogeluk laga lageba? Yethani! Ap kaindek inaiba logolik halogat inasu fano mene labetik, inagarek yi mene ti mene hokhorogo fisogo welagik, agarek anggigi!

1 KORINTUS 4:11

Nit o fageat a'lima nen yogondak huli, sumburu inom, i inom, neleat welagorek. A'nogo logolik, ninasu legat were'ma yei ninoatu kwelek, ninaiba le'ma, o yi awi ti awi nikhi lago.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.

ULANGAN 28:54

A'nogo hilingitunem ap inogogwi inenu lego logolik inobabut mondok sakhorek fano inap oba nen ogore, aben o laberinafu kwelek andem he inendawinggen eaga'luk nunggungge amu mene ogo ekhe werek legen he, onggwarek omalik ninggi logogin. At a'nogo ninggi logolik he aren onggwarek are ba nen ogo, agwe endawi hundik oba nen ogo, at omalik fena ineluk logogun mene ogo, endebengge ekhe iluk wogisikhi logogin mondok lek.