MATIUS 11:5 - Allah Wene Fano Wene Hupla Inane

⁵ Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 11:5 ပူးပေါင်းရင်းမြစ်များ

2 RAJA-RAJA 5:14

A'nogo yagatukwama, at Naaman i Yordan ima lagaikhesik he, at Elisa nen yagatikhe hagat ima enggi 7 ba pisikhe. A'nogo pisikhemo, at ebe fano agaikhesik agap ap alage mene inagap hangge hilinglagaikhe.

2 RAJA-RAJA 5:7

A'nogo waluk wagaikhesik, afuni Israel mene inoe raja wogosi wagaikhemo enu salhikhesik, ailo agaikhemo re endawimo weakhogo asu tilip-talaphogo lakfisasikhesik mel isikhe: ”Afuni Siria mene inoe raja andi re an nen ap yi oumo henanggo inailo mene andi elok hilingisu hagen yaganete nogo a? Nailo e. An nebe re, Allah omame were'ma re, afuni inelugerinafik, inoatik, ikherek andi hak fuk, lego. Afuni Siria mene inoe raja andi re, we an weak yaganesigiluk obalisin yaganetemo higi,” iluk wene palhikhe.

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

MAZMUR 22:26

Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.

KELUARAN 4:11

A'nogo yagatikhemo, at Tuhan nen ikhi logolik he, ”Sa nen afuni inambe hilingisogo fikherek nogo? Nen, sa nen inane unggut lugulugwit figik, inesanggo tagumet figik, ikherek nogo? Nen, sa nen ineilenggen puget figik, fenggen figik, ikherek nogo? An Hineisena Tuhan nen hilinginafirek lek nogo?

YESAYA 29:18

Andem oba re ap inesanggo tagum mene nen he buku palek mene misik ekhe pilingitunem holhi logogun, nen ap ineil humunogo o mum oba logogun mene omanogo ineil fenggenumo re, ineilenggen hikhi logogun.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

YESAYA 43:8

Allah nen a'nogo isikhesik, ekhe mel isikhe: ”Nagainafuri hineilenggen fano meneat he, hineil mum hangge welagep andoma inom, inesanggo fano meneat he, tagum mene hangge welagep andoma inom hinom seberogo An nelokhoma andogosi wesuagaluk yagaisani o.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

ZAKHARIA 11:7

An Zakharia nebe, it domba onggo palharek inap omanogo nen domba watu mene omanogo halhi logouwageluk onggo palnafa. Nen, an nandomuk he ebe pire mene were'ma re, ekhe enu, ”Endawi fano” salhigi, nen ekhe re, ”Hele homago” salhi. A'nogo salhirik he an nen domba omanogo halhu mene erorati.

MATIUS 10:8

It afuni ou inoba werek halok higirinafik, wa'lagaikha halok inelugerinafik, henanggo hangge inailo mene inoba werek halok higirinafik, munggwarengge obabut weak mene inendawimo kuluk were'ma henegeisogo wulakfisigik, ilik nikhi logoino. An nen onggo lek wokhisigi andi hak he, hiren a'nogoat onggo lek wogisilik lano.

MATIUS 11:4

at Yesus nen he, mel yagaisasikhe: ”Hit he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o.

MATIUS 12:13

A'nogo yagaisasikhesik he, ap a'nogo mel yagatikhe: ”Henggi pisathan,” iluk yagatikhemo, enggi a'nogo pisat hugunem he, enggi fenakwe emberek higirat fano mondok agaikhe.

MATIUS 21:14

A'nogo yagaisasikhesik he, afuni ineilenggen mum mene inom, ineisok wut warek mene inom, Yesus oba Allah awi wuri'mo andoma wagaukwama re, aren fano higirinafikhe.

MATIUS 5:3

”Afuni inendawimo nen, An he, Allah eilhanem elo'lek welagi, we Allah oba nek tibet fuluk logogin iluk anggagarek mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

MATIUS 9:30

A'nogo yagaisugu kwelek aremnogoat ineilenggen a'nogo fano agaukwa. Fano agaukwama re, at Yesus ane ninghogoat yagaisikhi logolik he, ”An nen higithinafi mene yi, afuni ekhe inelu asinogo iluk he yagaisagubo,” iluk yagaisasikhe.

MARKUS 7:37

A'nogo yagaisugunem he, iren hokhorogo fogerati logolik he, mel ikhi lagaukwa: ”Aren, yi mene ti mene fano nek hilingiti logolik, afuni higirinafunem he, inesanggo tagum mene hutik, inesanggo holhik, inane lek mene inane fano agik, ili'lagwi andi nailo e!” iluk hokhorogo fogeratukwa.

MARKUS 9:25

Yagatunem, afuni ekhe fungusek oba andogosi wagunem, at Yesus eilenggen yerisasikhesik he, munggwarengge obabut weak mene a'nogo wenagetikhe. Wenageti logolik he: ”Hat munggwarengge hobabut weak mene yi nen, yenggerek yi ane lugulugwit figik, esanggo tagumet figik, ikhi lagen andi, endawimo nen henegeisogo wulibi lan. Wulibi lambik he, hobuk endawimo kwi wesigin mondok lego, iluk yagaheti andi aro,” iluk wenagetikhemo re,

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

YOHANES 10:25

At Yesus nen he, mel yagaisasikhe: ”An arat yagahisikhi lagi meneat he, hiren eberogoat iluk anggikhi lagep lego. An neisena nen nayonggo fesikhemo hilingiti lagi andi, an nabok fakhogo yagahisa hagat hilingiti lagi meneat he,

YOHANES 10:38

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,

YOHANES 2:23

A'nogo isukwasik werek kwelek, o Yerusalem it afuni Yahudi mene wam domba warogo seni Paskah nunggu kwelek, at Yesus andoma inom logolik ebe futfouwageluk, elalin mene hilingirik lagaikhe andi nen he, afuni hokhorogo ineilenggen hasukwasik inendawinggen at oba himbiret fesukwa.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

YOHANES 5:36

an nebe futnobagauwageluk, aren nabok pilingisogo yagahisikhi lagaikhe meneat he, elo'lek hak. Athe, an neisena nen, neabu ando ekhe figi'lek felelenghogo hilingi'no, iluk, nayonggo fesikhemo hilingiti lagi andiba nek he, afuni nen, At ebe eisena nen lakfei wagaikhemo iluk nabok ugunem inesanggo holfuluk nebe futnobagau hagat futnobagagun o.

YOHANES 9:7

A'nogo yugulfesikhesik he, ap a'nogo mel yagatikhe: ”Helokhe kwe i Siloam mogo a'liba sobali lan o,” iluk yagatikhe. I andi nit ninaneba re, ’Lakfesikhe,’ u hak, enu Siloam ima loageluk yagatikhe. A'nogo lagaikhesik elokhe kwe sobalhikhemo eilenggen a'nogo fano agaikhesik ambotkwe wagaikhe.

KISAH PARA RASUL 2:22

Mene re, hit Israel mene nerugwi nagaila'lak. An nane igin yi holini. Yesus aiba Nasaret mene a'nogo Allah nen ayonggo fesikhemo, ninom logolik, wene futfouwageluk hilingisu lek mene Allah nen enggi omamerogo elalinat hilingiti lagaikhe andi re, ebe Yesus nenat hilingiti lagaikhe. Halok he, Yesus Allah nen lakfei wagaikhemo, iluk enegat agaikhe andi hinelu.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.