MATIUS 11:29 - Allah Wene Fano Wene Hupla Inane

^29-30 An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

MATIUS 11:29 ပူးပေါင်းရင်းမြစ်များ

2 TAWARIKH 10:11

An neisena nen hit hinoba re kombi ugu meneba fe'nengge hinoati lagaba nen, an nen he, posiemanggen kombi aik mondok ngili-ngelerek meneba lambisok hinoati logogin o!” iluk yagaisano, iluk yagatukwa.

MAZMUR 116:7

Neisena Tuhan nen an noba fanorogo hilingnaferek andi nen, an nendawinggen hambukhogo welagirek.

MAZMUR 131:1

Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

AMSAL 3:17

Hebelek mene andi nen he, hat hebeba hagaiyekhogo logouwageluk hilinghobagagik hobabut fanorogo logouwageluk halhobagagik, igin.

YESAYA 28:12

Lakfei wesimbik Tuhan nen he hit hinebe mondogat faget set waruguba obalik ekhe wokhisagain iluk ili'lago oba nen, hiren ninabit iluk At ane ikherek mene a'nogo ane oak sagalhi lagebat.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

BILANGAN 12:3

At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 21:5

”Afuni o Sion mene yagaisikhi logolik he, Hinoe Enupogot hinoba weri'logo o. Obabut enago logolik, wam keledai amboroba hu'lagasik, keledai eak mene nen waluk weri'logo, iluk yagaisan o,” iluk isikhe andi emberek higithogo hilinglasuageluk, at Yesus nen a'nogo lakfisasikhe andi.

MATIUS 7:24

A'nogo yagaisasikhesik ekhe mel yagaisasikhe: ”Halok he, sa nen, an nane andi esanggo hologo higithogo hilingite halok, aren yi higit hilingisigin o. Ap ekhe endawinggen werek mene nen o helep oba loukhogo wutikhemo,

LUKAS 8:35

A'nogo yagaisa lagaukwama re, it afuni nen he, ”Ninggi'nogo hilinglagama nen aga,” iluk, ineilenggen houwogeluk Yesus oba wagaukwa. Wagaukwama re, ap munggwarengge inobabut weak mene endawimo nen wulifikhe mene a'nogo afe hebelagaikhesik asu laberogo Yesus awe a'ma hurek were'ma ineilenggen hasukwasik, inailo agaukwa.

YOHANES 13:15

An nen hit hilinghinafi andi hak, hiren an nobabut waganogo a'nogoat hilingiti logobagaigen iluk yagahisigi o.

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

KISAH PARA RASUL 7:37

Nen, afuni Israel mene yagaisikhi logolik he: Allah nen ap at ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga o, iluk yagaisasikhe andi, at Musa nen aro.

1 KORINTUS 9:21

Nen, it ekhe wene Allah nen komotninafikhe wene at Musa nen yagaisasikhe wene andi, inesanggo holharek lek mene ekhe Kristus faget woginabigeluk he, an noabaut wene andi holhi'lek hangge welagi aro. Andi re, an wene Kristus nen komotninafikhe wene andi hologo mondok logolik he, wene Allah nen komotninafikhe wene andi an holhi'lek welagirek fuk. Hologo welagiregaro.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

FILIPI 2:5

Hinobabut he, at Kristus Yesus nen endawimo ebeti lagaikhe hagat ebeti logoino o.

IBRANI 5:9

A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.

1 YOHANES 2:6

Nen, ap sa nen, ”An Allah nemberek hundik welagi,” iluk ikherek halok he, obabut at Kristus hilingiti lagaikhe andi hagat hilingiti logouwago.