MATIUS 11:21 - Allah Wene Fano Wene Hupla Inane

²¹ ”Hit afuni o Korazim mene inom, o Betsaida mene inom, eige! Nendawilage. Afuni nen hilingisu lek mene an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene heang fuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!

MATIUS 11:21 ပူးပေါင်းရင်းမြစ်များ

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

YEREMIA 13:27

An nen neilenggen hisugunem he hit he An nabit anggigirek mene omanogo hilingitunem hisikhi lagi. Hiren he ilah amu mene omanogo punukwe inom, yabukwe inom murok laga logolik, aben inagaila'lak inagagwi faget inendawinggen naluk inamururuweak muginapluk nikharek hak, at he wam kuda ai mene nen kuda holou meneba amol-moletunen hilingiterek hak, hiren a'nogo hilingitunem hisikhi lagi. Hit afuni o Yerusalem welagep mene re alomat laga logoni! Hit he ki huli nen weak mondok hilingitu welagep mene andomaba nen fikhalogo wulibi wesugun nogo?”

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

AMOS 1:9

Tuhan nen ikhi logolik he, ”It afuni o Tirus inap he hundik-handik weagenek hilingitu weregen he, eberogo An nen unggum wogisagain o. Iren he, afuni inunggulenu misik mene ekhe hele warinarek lagaukwasik he afuni Edom mene inoba wogisasukwa, iren he wene inom inane misik wata mene a'nogo taganhogo hilingita andi.

MATIUS 11:22

Meneat he, an nane eberogoat yagahisak. Hobuk o wurep oba Allah nen wene hinoba figik, kotik igin andi sambul he, it afuni o Tirus Sidon andoma wene inoba fembik serogo hak inoasigin meneat he, hit enek he, mondok engginhogo hak hinoasigin o, iluk yagahisigi.

MATIUS 15:21

At Yesus nen wene a'nogo yagaisasikhesik he, o andoma hebisaluk o Tirus Sidon andoma lagai wagaikhe.

MATIUS 18:7

It afuni kweangma mene yoma, it ekhe nen an obokhogo heraknobagauwageluk inendawimo kagalumo mondok weak asugun andi nen, nendawilage. An obokhogo heraknobagauwageluk inendawimo kagalhi logogun meneat he, it inendawimo kagalugun mene andi, Allah nen mondok weagerinabigin werego.

MATIUS 26:24

An abat ta'lasi wagagi a'nogo, hilingisigin mene lisu palek werek higithogoat hilingisigin meneat he, at ap nebe noasuageluk yonggo lagain mene andi nek he, Eigo. Mondok weagat asigin o. At ap andi ta'la'lep le'ma re, fanoat logoilep mene,” iluk yagaisasikhemo,

MARKUS 6:45

A'nogo arat nasukwama nen he, at Yesus nen at agoromi ane wanhi lagaukwa mene omanogo mel yagaisasikhe: ”An afuni hokhorogoat yoma lakfisagen he, hit tak e so elema kwimbik he, i aik elikwe o Betsaida wulifi logoni o,” iluk ane ninghogo yagaisasikhe.

MARKUS 7:24

At Yesus nen wene a'nogo yagaisaluk o andoma nen he, o Tirus lagai wagaikhesik oloba kwisikhesik, afuni mel yagaisasikhe: ”It ekhe inonggot logouwagen he, ”At wagasik, ebe o andoma werek, iluk yagaisagubo. An nabit,” iluk wene palhikhe meneat he, ebe ninggi'nogo hinago logou heat hilinglagaikhe.

MARKUS 7:31

A'nogo hilingitikhesik he, hobuk he, at Yesus o Tirus andoma nen lagokhogo o Sidon kwe wagaikhesik he, o andoma nen o enu kota 10 nen wurik elikwe yethigik, yikwe yethigik, tulemkwe nen i Galilea yenggele'ma pisikhe.

MARKUS 8:22

Yesus agoromi inom wene a'nogo ilik-ilik he, o Betsaida wulifukwa. Wulifukwama re, it afuni o andoma mene nen he, ap ekhe eilenggen mum mene Yesus nen enggi fakhoageluk oba waluk wagaukwasik he, inane inelagaik ane yagatukwa.

LUKAS 4:26

Allah nen Elia hemi sogwe mene andoma ekhe isa loageluk inoba lakfesikhe fuk. Lego. We, he sogwe mene misigat ekhe o ale'ma Sidon sili enu Sarfat andoma were'ma oba lakfesikhe o.

LUKAS 6:17

At Yesus a'nogo agoromi wenagaisogo fisasikhesik, inom tom oba nen pi wagaukwasik he, kweang tonggwe fanoma andoma kamo isukwasik were'ma, at agoromi ane wanhi lagaukwa mene omanogo fena inebe hokhorogoat inom, afuni mondok hokhorogo o Yudea tonggwe mene inom, o Yerusalem mene inom, o Tirus Sidon i laut aik oba welagaikharek mene inom,

LUKAS 9:10

It ap Yesus nen inayonggo fesikhesik lakfisasikhe mene omanogo lagaukwasik he hobuk inambotkwe wagaukwasik, ”Niren yi'nogo hilingito, ti'nogo hilingito,” iluk piling-palanghogo Yesus yagasi wagaukwa. A'nogo yagasi wagaukwama re, aren it woginarek inale'ma kenghogo o sili enu Betsaida andi lagaikhe.

YOHANES 1:44

At Filipus andi re, Andreas inom, Petrus inomat inawi sili o Betsaida misi'mo mene.

YOHANES 12:21

It ap andi wagaukwasik he, ap Filipus awi o Galilea tonggwe mene aiba enu o Betsaida mene a'nogo pisikhesik were'ma oba wagaukwasik he, mel yagatukwa: ”Noe. Nit Yesus oba wesu ninamolo nen wago o,” iluk yagatukwama,

KISAH PARA RASUL 12:20

O andoma logolik, it afuni o Tirus inom, Sidon inom, mene faget he, at Herodes a'nogo a'mage hokhorogo lagasikhe. A'mage hokhorogo lagasikhemo, it mondogat inebe lambukhogo nen he, ”O nit were'ma yoma re, sumburu ap kain Herodes were'ma nen onggo palogo fano wanhi lagoba nen,” iluk ap enu Blastus, Herodes amingmingengge logolik yi mene ti mene at aiba mene enggiba welagaikhe mene andi oba lagaukwasik, it inebikhit asuageluk, at tak endawimo kagalhukwa. At tak endawimo kagalhukwasik he, hobuk Herodes inom lambuluogeluk oba kwisukwasik yagatukwa.

KISAH PARA RASUL 27:3

Kwisugusik waga logolik, ohealekwe re, o Sidon wagagu. Wagagusik he, at Yulius a'nogo nen, Paulus ebe endawiratikhesik, mel yagatikhe: ”Hat yi mene ti mene ekhe lek halok he, hagaila'lagen wokhesuageluk inoba fa'larik lan o,” iluk yagatikhemo lagaikhe.

YUDAS 1:11

It andi Allah nen weagerinabigin o! Attagat Kain hilingitikhe andi hak ombo'ne lili'lagwi andi. At Bileam weak hilingitikhe andi hak, inonggwaregen uang saburogo heluogeluk, a'nogoat hilingiri'lagwi. At Kora nen Allah faget, ”Anat hilingiti logogin,” iluk it ekhe sebelfisageluk hilingitikhe andi hak hilingiri'lagwi andiba, inebe nong akhili'lagwi andi.

WAHYU 6:12

A'nogo yerisigiri'mo nen, ombo'ne yethigi hak he, suesingga uan meneba silo fagarek andi hak, amusu te'merogo fesukwa a'nogo mene Domba Eak a'nogo nen enggi fuap oba arat fikhalhesigen, ekhe fikhalhunem he, lugul hokhorogo lang-fanget higik, o mo elokhonggen mum hal-hali warek hangge hilinglagik, tugi elokhonggen afuni inamep hangge agik,