MATIUS 11:19 - Allah Wene Fano Wene Hupla Inane

¹⁹ Mene re, an abat ta'lasi wagagi a'nogo re, sumburu inom, anggur enggen amusu inom nilik wagagimo re, afuni nen nabok ikhi logolik, sumburu inom, anggur enggen amusu inom, ambe lagalek weak nili'logo yi, ap pemerintah faget uang kino iluk wanharek mene inom, weak hilingirik nikharek mene inom, inom hunet fakhaluk nikho yi hani, iluk ili'lagwi andi re, Allah endawinggen kagalogo hilingiterek andi nen he, fanot fugunem ineilenggen hambik he, Higit, iluk futfogoin aro,” iluk yagaisasikhe.

MATIUS 11:19 ပူးပေါင်းရင်းမြစ်များ

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

AMSAL 17:24

Ap ungguloak kagalek mene nen he hebelek mene helelo anggagarek, oba nen ap morue mene nen wenggelharek mene andoma re higithogo wenggelharek lek.

MATIUS 5:46

Nen, it afuni ekhe nen, hit inendawit hinafarek mene andi nek hiren hinendawirinafi lagep halok he, Allah nen onggo wokhisagain nogo? Lego. Andi hak he, it ap pemerintah mene faget uang kino iluk andogotarek mene nen inobabut a'nogoat hilingitarego.

LUKAS 14:1

A'nogo yagaisasikhesik he, inenggi sabit oba ekhe, Allah faget weat logolik he, Yesus ap Farisi mene inogogwi kaindek misigat ekhe aiba sumburu emberek nouwogeluk lagaikhesik were'ma, afuni nen, at Yesus ineil furogo futfikhi lagaukwa.

LUKAS 19:7

Emberek lagunem, it afuni nen ineilenggen yerisasukwasik, wene palogo inane nguluk-habuk inabok palhi logolik he, mel isukwa: ”Yesus he, ap weak hilingiri'logo mene a'nogo aiba emberek nogo i louwogeluk lili'lagwi andi nailo e!” iluk isukwa meneat he,

LUKAS 7:29

A'nogo yagaisasikhemo, afuni hokhorogo omanogo inom, pemerintah uang faget kino iluk andogorogo fagarek mene omanogo inom, at Yohanes nen fageat ima pelaginafikhemo andi nen he, wene Yesus nen yagaisasikhe mene andi inesanggo holhukwasik, ”Allah endawimo nen anggikherek mene andi re, higit mondogo,” iluk isukwa.

YOHANES 2:2

Andoma were'ma at Yesus agoromi ane wanhi lagaukwa mene inomat inayonggo fesukwama lagaukwasik welagaukwaat.

ROMA 15:2

Allah aneba wene mel iluk lisu palogo fesukwa: ”Hat Allah wenakheta mene re, an noba aga o,” iluk lisu palogo fesukwa higithogoat, at Kristus nen he, onggwarek faget endawimo agaiyek anggikhi logoigeluk hilingiti lagaikhe lek. Andi nen, nit ninebe lombogen he, ninerugwi ninagaila'lak inendawinggen Allah oba himbiret fuluk inendawinggen wurik a'luk fano asuageluk, inendawimo fanorogo hilingiti logouwogo.

WAHYU 7:12

A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.