MATIUS 11:18 - Allah Wene Fano Wene Hupla Inane

¹⁸ At Yohanes andi sumburu inom, anggur enggen amusu inom ninggi'lek herakfisaluk welaga andi faget, it afuni nen he, At andi munggwarengge obabut weak mene endawimo kwikhesik werego, iluk ili'lagwi.

MATIUS 11:18 ပူးပေါင်းရင်းမြစ်များ

2 RAJA-RAJA 9:11

At a'nogo heise lagaikhemo re, at Yehu ambotkwe sugulogo agaila'lak inambit wagaikhemo, iren heinok wokhiki logolik he, ”Wene ninggi'nogo hilinglaga? Nen, ap lugu-lugwi balik andi nen he hat hoba ninggin habigin iluk yagahete?” iluk yagatukwa ma, aren onggo ikhi logolik he, ”Nagaila'lak hiren ogo ap andi ane re hinelu agi,” iluk yagaisasikhe.

YEREMIA 15:17

An nebe Hat henggi ninghogo fetnarek logolik, homame a'ma fetnarek welagenma re an he ap inunggulenu yi mene nen andoget fuluk seni isagaisogo inagaiyegetik, fogerakhigik agarekwe andoma lagirek mondok lego. An ogo namuat tegelogo welagi o.

YEREMIA 29:26

”Tuhan nen he hat hebe imam logouwageluk at Yoyada obali'mo menhobagaikhe o. Nen yogondak he hat o Tuhan aiba a'nogo yabu lego mene hilingiti lagen, hat heabu re ap lugu-lugwi palik mene nen an nabi welagi iluk ugu mene omanogo inalonggopma hele posiemanggen meneba homak fisugu mene welagen.

HOSEA 9:7

Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 11:17

Nit endawi wathinobagauwogeluk elugun wulafo meneat he, hiren hunikhe lagi'lek. Nen, le asuogeluk, le wuni elugun wulafo meneat he, hiren le ebe agi'lek, iluk agarek a'nogo hagat hilingiri'lagwi o.

MATIUS 3:4

Wagaikhesik, leimo afuni le'ma andoma logolik, wam unta esi mene igisogo re, asu laberigik, agap mene nonggologo fanorogo hilingisogo re, alinggin ikhigik, ikhi logolik sumburu na hak he, pulue mene ninggik, kin amusu enggama mene ninggik, ikhi lagaikhe.

MATIUS 9:34

A'nogo fogeratukwa meneat he, it ap Farisi mene omanogo nen he, mel isukwa: ”At Yesus nen Iblis agoromi inoe kain a'nogo omameba munggwarengge obabut weak mene afuni inendawimo kuluk were'ma henegeisogo wulakfisili'logo,” iluk isukwa.

MARKUS 3:22

It wagu kwelek, it ap Allah ane lisu palek eisewerek mene o Yerusalem en lagai wagaukwasik he, mel isukwa: ”Beelzebul munggwarengge inobabut weak mene inoe kain a'nogo Yesus oba louksek werego. A'nogo were'ma andi nen he, at omameba munggwarengge at agoromi hak inobabut weak mene afuni inendawimo kwikhesik were'ma henegeisogo wulakfisili'logo o,” iluk isukwa.

YOHANES 10:20

A'nogo minggilhukwasik, it inebe hokhorogoat omanogo nen he, mel isukwa: ”At yi munggwarengge obabut weak mene endawimo kwikhesik lugulugwi palik agasik wene ugu kwelegat he, hit at ane holhi lagep andi nenahalok,” iluk isukwa.

YOHANES 7:20

it afuni hokhorogo omanogo nen he, mel yagatukwa, ”Hat he, munggwarengge obabut weak mene hendwimo kwikhesik lugulugwi palhik agendik ikhi lagen a? Sa nen hilingisigeluk ili'logo nen ikhi lagen,” iluk isukwama,

YOHANES 8:48

At Yesus nen wene a'nogo yagaisasikhemo, it ap Yahudi mene omanogo nen he, mel yagatukwa: ”Hat hebe ap Samaria mene yi re! Munggwarengge obabut weak mene hendawimo kwikhesik werego, iluk ikhi lago a'nogo eberogoat yagaheti lago higi,” iluk yagati lagaukwama re,

YOHANES 8:52

it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.

KISAH PARA RASUL 26:24

At Paulus ebe elelerogo wene a'nogo isikhesik ekhe inom igin ha'ma nen he, at Festus nen ane hokhorogoat he, ”Paulus. Lugulugwi palhen higi. Haren yi wene ti wene hokhorogoat yanggulhi lagen andi nen lugulugwi paluageluk hilinghafemo higi,” iluk yagatikhe.

1 KORINTUS 9:27

It afuni ekhe fano asuageluk fano wene yagaisilik nikhi lagi meneat he, nonggwarek heraknobagaumo nongagi hanogoluk, nonggwaregen nebe wara hak, nendawinggen ninghogo sebeligik, afuni inawe a'ma logolik inane hologo welagaikharek hak, an nebe nane awe a'ma logoigeluk komorigik, ikhi lagi o.