MATIUS 11:17 - Allah Wene Fano Wene Hupla Inane

¹⁷ Nit endawi wathinobagauwogeluk elugun wulafo meneat he, hiren hunikhe lagi'lek. Nen, le asuogeluk, le wuni elugun wulafo meneat he, hiren le ebe agi'lek, iluk agarek a'nogo hagat hilingiri'lagwi o.

MATIUS 11:17 ပူးပေါင်းရင်းမြစ်များ

KEJADIAN 50:10

It omanogo waga lagaukwasik he, o i Yordan abel mo yegelogo lagai wagarek higit afuni gandum enggen sagalharek oba o Goren-Haatad andoma asi lagaukwasik he, inendawimo weak agaikhesik, le inane hokhorogo agaukwa. A'nogo agaukwama, at Yusuf en fong andoma wasuageluk isikhemo re, fong watu inenggi 7 nen o andoma welagaukwa.

1RAJA-RAJA 1:40

A'nogo isukwasik, at Salomo ebe attak wagu kwelek, it inebe mondogat at ombo'ne inambotkwe waga logolik, inane ami'mit sup ikhi logolik, pinggong enu seruling hulenggen oba watarek mene anethikhi logolik wuni warik wagaukwa. A'nogo anggiluk weak warik wagunem kweang abolok ikhi logolik halet lageluk hangge hilinglagaikhe.

YESAYA 30:29

Oba nen he hit Allah againafuri mene re linggene hokho meneba fogerati logolik, hubanggo wuni watarek hakhogo hinagaiyegeti logolik wuni wati logogun. Hit he afuni nen inanggilukhogo pinggong seruling oba futhilik lagunem he, uluk-uluk Tuhan Israel mene inalong palinaferek mene a'nogo awi wuri'mo andoma lagaikharek mene nen hilingitarek hak hilingiti logogun.

YEREMIA 31:4

Hit hinunggulenu mene re attak hilingik welagagip hakhogo An nen enu lego logouwageluk hilingisogo fagain o. Hiren he nekhengge pinggong rebana waluk he hinagaiyek oba wuni wati logogun.

MATIUS 11:16

Afuni o yogondak werek yaba re, nena meneba lirogo yagahisak. Yi meneba lirogo ik. It andi re, yenggerugwi pasar oba hurek logolik, inagaila'lak inom wene lakfigik, wakfigik, ikhi logolik:

MATIUS 11:18

At Yohanes andi sumburu inom, anggur enggen amusu inom ninggi'lek herakfisaluk welaga andi faget, it afuni nen he, At andi munggwarengge obabut weak mene endawimo kwikhesik werego, iluk ili'lagwi.

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

MATIUS 9:23

A'nogo hilingirik-hilingirik he, at ap kain Yesus ayonggo wagaikhe mene a'nogo aiba lagaukwa hak he, afuni le aga logolik pinggong watarek mene watik, le ngai-wai hokhorogo agik, ugunem eilenggen isasikhesik he,

LUKAS 15:25

A'nogo hilingitu kwelek aremnogoat, at oe a'nogo yabumo welagaikhesik wagaikhe hak he, gitar wati logolik wuni watunem inane esanggo holik-holik wagaikhe.

LUKAS 23:27

Yesus ebe waluk wagunem afuni hokhorogo inombo'ne waga logolik, hemi ekhe at obaget le aga logolik, inendawinggen inenggi nen fothilik wagaukwa.

LUKAS 7:32

It inebe re, yi emberek higit. Yenggerugwi pasar onggo wanharek oba hurek logolik, inagaila'lak inom inane lakfigik wakfigik ikhi logolik, niren wuni hit wathinobagauwogeluk elugun wulafo meneat he, hiren hunikhe lagi'lek. Nen, le asuogeluk le wuni elugun wulafo meneat he, hiren le ebe agi'legat, iluk agarek andi hagat hilingiri'lagwi o.

LUKAS 8:52

Kwisukwa hak he, afuni mondok hokhorogo helenggerek a'nogo ware'ma logolik he, obaget le agik, inendawinggen warigik, ugunem kwisukwasik at Yesus nen he, mel yagaisasikhe: ”Le agubo. Helenggerek ari ebe wa'lagi'lek. We, nogo ili'logo,” iluk yagaisasikhemo,