MATIUS 11:1 - Allah Wene Fano Wene Hupla Inane

¹ It ap Yesus ane wanhi lagaukwa mene inebe 12 nen omanogo wene komorogo fisaluk he, afuni inawi sili lombok wene fano wene a'nogo yagaisigik, komorinafik, igeluk he, o andoma nenat lagaikhe.

MATIUS 11:1 ပူးပေါင်းရင်းမြစ်များ

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 7:28

Yesus nen wene a'nogo ilik waga lagaikhesik wene wurep kofokhogo isikhemo re, it afuni hokhorogo omanogo nen he, ”Egi! Wene ikhe andi, it ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ikhe andi, nailo e!” iluk fogeratukwa.

MATIUS 9:35

At Yesus o sili hokho kwe endep kwe, ya kwigik ta kwigik, nikhi logolik, o samban agarekwe kwilik laga logolik fano wene nineisena Allah nen awe a'ma inobagagin wene a'nogo yagaisigik, yi ou ti ou inoba werek mene inom, inomame lek maben mene inom, fano higirinafik ilik nikhi lagaikhe.

MARKUS 6:12

It omanogo a'nogo lakfisasikhemo laga logolik he, afuni mel yagaisilik lagaukwa: ”Hit weak hilingiti lagep mene andi herakfisaluk hinobabut hebela'ni o,” iluk yagaisilik nikhi logolik,

LUKAS 23:5

it omanogo hobuk inane mondok ninghogo ikhi logolik he, mel yagatukwa: ”Lego. Ap yi wene yagaisilik nikhi logolik he, afuni o Yudea mene yi awi ti awi mondogat inendawimo kagalik nikho. Omanggum o Galilea andoma nen inendawimo kagalik-kagalik he, o yoma ogo wagaat andi,” iluk yagatukwa.

LUKAS 8:1

At Yesus a'nogo hilingitikhesik he, welagi'legat, hobuk Fano Wene Allah awe a'ma fisikherek wene a'nogo, o sili hokho kwe endep kwe yagaisilik nikhi lagaikhe. Yagaisilik nikhi logolik, at agoromi mene inebe 12 nen omanogo inom,

YOHANES 15:10

Nen, an neisena nen, yi'nogo hilingi'no ti'nogo hilingi'no iluk yaganetikhe mene andi, an nen at ane hologo hilingitunem, aren an endawinggen hundik welagarek hak, hit a'nogoat an nen yi'nogo hilingi'no ti'nogo hilingi'no iluk yagahisikhi lagi mene andi, hiren an nane hologo hilingiti logogun halok he, an nen hit nendawinggen hundik logogin o.

YOHANES 15:14

Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.

KISAH PARA RASUL 1:2

at eisena nen ebe pogoroba liakfesikhe andi huli, lisu palogo lakfei wagagi andi. At ebe pogoroba oan liakfigi'lek werek kwelek, at agoromi inebe wenagaisogo inayonggo fesikhesik lakfisageluk isikhe mene omanogo Allah Areagun omameba komorinafikhe.

KISAH PARA RASUL 10:42

A'nogo logolik he, niren afuni wene yagaisilik laga logolik he, afuni mondogat, wa'lagaukwa mene inom, ineluk werek mene inom, wene inoba figik, kotik, uageluk, Allah nen Yesus at menfesikhe, iluk, furogo yagaisilik laga logouwageluk ninayonggo fesikhe.

2 TESALONIKA 3:10

Nit attak ninom logolik yagahisikhi logolik he: ”Hit ekhe yabu wanhi'lek inobabut winik-wonok nikho mene andi, sumburu ninggi'lek weat logouwak,” iluk, yagahisikhi lagaguat anggigi.

2 TESALONIKA 3:6

Nerugwi nagaila'lak. Hit hinerugwi hinagaila'lak ekhe Allah amlogomi meneat he, wene niren komothinafugu a'nogo hologo hilingiti'lek herakfisaluk inenggi wanhi'lek winikwonokhogo nikho mene andi hinom hundik logogubo.

1 TIMOTIUS 6:14

Haren wene aren yaganisasikhe wene andi mondogat higithogo hilingiti logolik, weak mene hilingiti'lek tegelek were'ma, afuni ekhe nen wene hoba figi'legat logombik, huli ninoe Enupogot Yesus Kristus ebe weinamhogo wesigin andi huli hilinglasuageluk yagaheti andi.