MATIUS 10:5 - Allah Wene Fano Wene Hupla Inane

⁵ At Yesus nen it ap inebe 12 nen andi sumburogo lakfisageluk he, yi'nogo komorinafikhe: ”It afuni endakwe mene inawilokwe lagubo. Nen, it afuni o Samaria mene inawilokwe laluk kugubaro.

MATIUS 10:5 ပူးပေါင်းရင်းမြစ်များ

MATIUS 22:3

Isati logolik afuni inayonggo fesikhe mene na wesuageluk, at amingmingengge mene ekhe mel yagaisasikhe: Afuni inayonggo figi omanogo wesuagen woginabi lani o, iluk, yagaisasikhe meneat he, it inayonggo fesikhe mene andi inabiren wagi'lek kamo isukwa.

MATIUS 4:15

”Hit ap hinunggulenu Zebulon mene inom, Naftali mene inom, hinaiba i Yordan aik elikwe wurik mene inom, i mogwe hokho yenggele'ma pagarekwe wurik mene inom, hinaiba o Galilea tonggwe yoma re, it ap endakwe mene nen sebelek werek yoma sani.

MARKUS 6:7

A'nogo yagaisilik nikhi logolik he, ap inebe 12 nen omanogo wolisasikhemo wagaukwama re, inebe pirendek wurethigik lakfisageluk inayonggo fisasikhesik he, munggwarengge obabut weak mene afuni inendawimo kuluk were'ma henegeisogo wulakfisilik loageluk at omame wogisasikhe.

LUKAS 10:1

A'nogo yagaisasikhesik ninoe Enupogoren ap inebe 70 nen heragaisogo fisasikhesik he, at onggwarek endawimo anggasikhe kwe yi awi ti awi o sili lombok loageluk, it andi tak inebe pirendek lombogethigik lakfisasikhe.

LUKAS 10:33

It a'nogo hilingitukwa meneat he, ap o Samaria mene ekhe kwe andi kwe pigeluk pisikhe hak he, ap warek a'nogo were'ma eilenggen hasikhesik endawi agaikhe.

LUKAS 17:16

Wagaikhesik, Yesus awe a'ma eindep awi yagaisogo ot lumbuk hai watikhe. Ap andi awi o Samaria mene.

LUKAS 9:1

A'nogo yagaisasikhesik he, at Yesus nen agoromi ane wanhi lagaukwa mene inebe 12 nen omanogo andogosi wesuageluk wolisasikhemo wagaukwama re, iren yi munggwat ti munggwat obabut weak mene afuni inendawimo kwisukwasik were'ma henegeisogo wulakfisigik, yi ou ti ou inoba werek halok higirinafik, ilik loageluk he, omame wogisasikhe.

LUKAS 9:2

A'nogo wogisasikhesik he, iren Allah awe a'ma inobagagin wene a'nogo yagaisigik, ou inoba werek mene higirinafik, ilik loageluk lakfisasikhe.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

YOHANES 20:21

A'nogo inagaiyek agaukwama, at Yesus nen wene ekhe inom hobuk yi'nogo yagaisasikhe ”Nagoromi hinalabok, hina'manggen lagup. An neisena nen laknobagai wagaikhe andi hak, an nen hit a'nogoat lakhinobagagin o,” iluk yagaisasikhe.

YOHANES 4:20

Nen, nit ninambu ninombalagen he, tom yiba logolik Allah fogerati lagaukwa meneat he, hit Yahudi mene nen he, Allah o wele'ma fogerati lagaukwa lek. We, o Yerusalem andomaat fogerasugun o, iluk ikhi lagep andi,” iluk a'nogo yagatikhemo,

YOHANES 4:5

Lagai waga logolik, o Samaria o sili ekhe enu Sikhar horokhogo kuogeluk kweang ekhe ap Yakub en attagat amlogo Yusuf wogetikheba andoma lagai wagaikhe.

YOHANES 4:9

It afuni Yahudi mene o Samaria mene inom weak welagaukwa andi nen he, at he Samaria mene a'nogo nen at Yesus mel yagatikhe: ”Hat ap Yahudi mene. Nen, an he Samaria meneat he, nenahalok, i hina'nom, iluk kino yaganeten,” iluk yagatikhemo,

YOHANES 7:35

it ap inogogwi kaindek omanogo nen, it-it ikhi logolik he, mel isukwa: ”At yi o koma lambik were'ma, nit at herarik lambik ninom ambi asugun legen yaganisikhe anggegep. Ap nit mene o pugulogo afuni Yunani mene were'ma inoba lagaukwasik were'ma inoba lambik, afuni Yunani mene wene yagaisikhi logouwageluk ikhe anggegeba?

YOHANES 8:48

At Yesus nen wene a'nogo yagaisasikhemo, it ap Yahudi mene omanogo nen he, mel yagatukwa: ”Hat hebe ap Samaria mene yi re! Munggwarengge obabut weak mene hendawimo kwikhesik werego, iluk ikhi lago a'nogo eberogoat yagaheti lago higi,” iluk yagati lagaukwama re,

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 10:45

A'nogo pi wagaikhemo, it afuni inagap inenggalimo mene palek logolik wene eberogoat iluk wanhukwa mene ekhe Petrus inom o Yobe nen wagaukwasik were'ma, Allah nen Areagun a'nogo it endakwe mene inoba pelakfei wagaikhemo, helasukwasik, wene it ekhe inane inonggot meneba elalinat igik, Allah fogeratik, ugunem, ineilenggen higik, inesanggo holhik, isukwasik he, mel isukwa: ”Allah nen Areagun it afuni endakwe mene higirat wogisikhemo higi. Nailo e,” iluk fogeratukwa. A'nogo fogeratukwama, at Petrus nen he, mel yagaisasikhe:

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.