MATIUS 10:42 - Allah Wene Fano Wene Hupla Inane

⁴² At sa nen, Yenggerek magenggelak mene yi Yesus ane wanherek mene, iluk, i min mene ekhe wogete halok he, Allah nen onggo wogosigin mene heligi'lek nong asigin lego, iluk eberogoat yagahisigi o,” iluk yagaisasikhe.

MATIUS 10:42 ပူးပေါင်းရင်းမြစ်များ

1RAJA-RAJA 17:11

A'nogo yagatikhemo, at he sogwe mene a'nogo i wanigiluk lagunem, at Elia ane hokhorogo mel yagatikheat: ”Sumburu roti endebat halok ekhe inom hogoat wo'nesi we'no aro,” iluk ane lakfesikhe.

2 RAJA-RAJA 4:10

Andi nen he, at ebe ninoba fa'larik waga logolik, nogo ikhi logouwagen he, nit ninaiba tum oba yoma, endebat halok at faget ekhe wurogo fisambik ebe nogo ikhi logogin oba inom, amburu ninggi logogin oba inom, ebe hu'laga logogin oba inom, esage inom, mondogat hilingisogo fisouwogo,” iluk yagatikhemo, a'nogo hilingisogo fisasukwa.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

AMSAL 24:14

Andi hakhogore inendawinggen kagalek mene andi hebe heluk logogin mene faget helikhi logoin. Nen, hat hebelogo nek logogin halok he hebe hobuk logogin huli andoma selekhogo nek hilinghobagakhi logogin.

PENGKHOTBAH 11:1

A'nogo isikhesik he hobuk ekhe mel isikhe: ”Uang hit mene eak tasuagaluk, it afuni ekhe yi mene ti mene onggo wanhik, palhik, agarek mene inoba fakhegep halok he, hobuk hit hinenggi werek hilinglasugun o.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

MATIUS 18:14

Andi hak he, hineisena pogoroba mene a'nogo mene anggikhi logolik, Yenggerugwi magendek andi higit ekhe longgo uageluk anggikherek mondok lego,” iluk yagaisasikhe.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

LUKAS 17:2

At andi nen it afuni sebelek mene yi misigat ekhe an obokhogo heraknobagauwageluk endawimo kagalumo, an obokhogo heraknobagaikhe halok, at endawimo kagalhe mene andi helep hokho mene alonggopma hele kelogo re, i laut yenggele'ma hambogoisogo pelakfiselepma fano o.

LUKAS 6:35

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.