MATIUS 10:3 - Allah Wene Fano Wene Hupla Inane

³ Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

MATIUS 10:3 ပူးပေါင်းရင်းမြစ်များ

MATIUS 18:17

Lamo re, it andi inane esanggo holhi'legat halok he, Allah againafuri inebe andogorogo were'ma yagaisano. Yagaisamo re, it Allah againafuri inebe mondogat omanogo inane esanggo holhi'legat halok he, at andi hinerei hinagaila'lak meneat he, it uang pemerintah faget kino iluk wanharek mene inabit mene hangge enda'ma mene hilinglaga o, iluk anggano,” iluk yagaisasikhe.

MATIUS 27:56

It hemi andem he, ekhe Maria o Magdalena mene. Nen, ekhe re, he Maria Yakobus inom, Yusuf inom, inagaisa a'nogo. Nen ekhe re, Zebedeus againafuri inagaisa a'nogo inom, hemi ekhe inomat welagaukwa.

MATIUS 9:9

At Yesus o andoma herakfisaluk laga logolik, ap ekhe enu Matius, kantor uang pemerintah faget waganogo fikhi lagaukwaba hurek were'ma, eilenggen hasikhesik, ”Nombo'ne eme o,” iluk yagatikhemo re, menlagaikhesik he, ombo'neat lagaikhe.

MARKUS 15:40

A'nogo hilingitu kwelek, it hemi ekhe re, he Maria aiba Magdalena mene, ekhe re, he Maria amlogo Yakobus hobuk mene andi inom Yoses inom inagaisa andi, nen ekhe re he Salome, hemi ekhe inomat inebe yatma nen ineilenggen yerinarek welagaukwa.

MARKUS 2:14

Yagaisasikhesik laga logolik he, ap Alfeus amlogo enu Lewi, kantor uang pemerintah faget kino iluk wanharek oba hurek were'ma eilenggen hasikhesik he, ”An nombo'ne eme o,” iluk yagatikhemo menlagaikhesik he, ombo'ne lagaikhe.

MARKUS 3:18

Andreas inom, Filipus inom, Bartolomeus inom, Matius inom, Tomas inom, Alfeus amlogo Yakobus inom, Tadeus inom, Simon, ”O Kanaan yoma ninawiwerek mene halok enek logouwok,” iluk ikhi lagaikhe mene a'nogo inom,

LUKAS 18:10

”Ap inebe pire mene samban uogeluk, Allah awi wuri'mo kwi lagaukwa. Ap ekhe re, Farisi mene. Nen, ekhe re, uang pemerintah faget kino iluk andogoterek mene.

LUKAS 18:11

Emberek kwi lagaukwasik samban ikhi logolik, ap Farisi mene a'nogo menlagaikhesik samban ale'ma nen ikhi logolik he, mel isikhe: Allah, neisena e. An nobabut he, afuni mondogat inobabut hangge lego. It afuni hesangge yogot wanharek mene inom, weak hilingitarek mene inom, hemi pailak fakfisili'lagwi mene inom, ap uang pemerintah faget kino iluk andogoterek mene yi inom, inobabut andi hak he, an nobabut a'nogo mondok lek andi nen he, hai wathafi lagi o.

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

LUKAS 19:2

uang pemerintah faget kino iluk andogoti lagaukwa mene inoe kain logolik enggi werek agun welagaikhe.

LUKAS 5:27

A'nogo hilingi'luk at Yesus o andoma nen wulifikhesik he, kwe laga logolik eilenggen yethasikhe re, ap uang pemerintah faget kino iluk wanharek mene ekhe enu Lewi andi, kantor uang kino iluk fikhi lagaikheba hurek were'ma eilenggen hasikhe. Andoma were'ma eilenggen hasikhesik he: ”Nombo'ne eme o,” iluk yagatikhemo re,

YOHANES 1:48

At Nataniel en he, ”Eige! Noe. An hilingitirek mene nobabut ninggi'nogo nen helu agama,” iluk oba heinok wanhikhemo, at Yesus nen he, mel yagatikhe: ”Nagore. Filipus nen hat oan wolhiigi'lek werek kwelek, hat hebe e ara eroma hurek welagen a'naga, an tak neilenggen hiigi o,” iluk yagatikhemo.

YOHANES 11:16

A'nogo yagaisasikhemo, ap enu Tomas igik, Hulipmio igik, agarek andi nen he, agaila'lak Yesus agoromi fena omanogo mel yagaisasikhe: ”Yesus ninomat wa'lasuogen he, puogen we'ni o,” iluk yagaisasikhe.

YOHANES 14:22

ap Yudas Iskariot a'nogo fuk. Athe, Yudas hunogoat mene ekhe nen he, mel yagatikhe: ”Noe. hat hebe futhobagauwogeluk afuni mondogat yagaisigi'lek he, nit enek yaganisagain andi nenahalogen,” iluk yagati lagaikhemo,

YOHANES 14:5

at Tomas nen he, mel yagatikhe: ”Noe. O hat lagain oba andi ninonggotma re, kwe andi ninggi'nogo nen ninelu asigin o,” iluk yagatikhemo re,

YOHANES 14:9

at Yesus nen he, mel yagatikhe: ”Filipus nagore. An o endamat a'lima nenat ninom welago meneat he, haren an nebe futnobabagagi'lek welagenma higi, i a? At sa nen an eilenggen niikhe andi re, An Neisena eilenggen hikhe o. A'nogo meneat he, haren, Heisena andi yaganisan o, iluk egen andi ninggi'nogo nen egen.

YOHANES 21:2

Inenggi ekhe sambul he, at Simon enu ekhe Petrus agarek a'nogo inom, Tomas enu ekhe Hulipmio agarek a'nogo inom, Nataniel awi o Galilea o sili enu Kana mene inom, Sepeteus againafuri inom, Yesus agoromi inebe pire ekhe inom, andogotukwa.

KISAH PARA RASUL 1:13

Kwi wagaukwasik, oloba andoma kwisukwasik he, o henambo welagaukwaba andomaat lagasukwasik welagaukwa. It andi inebe re, Petrus inom, Yohanes inom, Yakobus inom, Andreas inom, Pilipus Tomas emberek inom, Bartolomeus Matius emberek inom, Alfeus amlogo Yakobus andi inom, Simon, ”O yoma ninawiwerek mene nek logogun,” iluk ikhi lagaikhe mene andi inom, Yakobus amlogo Yudas andi inom, inom welagaukwa.

KISAH PARA RASUL 12:17

Fogeratunem, aren he, ”Hinane ugubo,” iluk enggi map isikhe. Enggi map isikhesik he, ”Nenggi hele warek were'ma, nineisena Tuhan nen fikhalogo wulaknobagai wagama wagi o,” iluk wene pilingisogo yagaisasikhe. A'nogo yagaisasikhesik, ”Yakobus inom, nerugwi nagaila'lak Allah againafuri ekhe inom, wene yi yagaisa lano o,” iluk yagaisaluk he, at ebe o ekhema lagaikhe.

KISAH PARA RASUL 15:13

Wene arat yagaisasukwama re, at Yakobus nen mel yagaisasikhe: ”Ap yi sani. Nagaila'lak. An wene igin yi hinesanggo holini.

KISAH PARA RASUL 21:18

A'nogo wo'ninafukwama, ohealekwe at Paulus ninomat, at Yakobus houwogeluk kwisugu hak he, it ap Allah againafuri kwelaginarek welagaukwa mene inebe mondogat inom were'ma kwisugu.

GALATIA 1:19

Logolik, it Yesus nen inayonggo fuluk lakfisasikhe mene omanogo inebe ekhe ninom ambi agi'lek. We, ninoe Enupogot agot Yakobus a'nogo nek nemberek ambi agagu.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.