MATIUS 10:21 - Allah Wene Fano Wene Hupla Inane

²¹ Agailak ekhe nen he, at onggwarek agailak ekhe wasuageluk waluk lagik, eisena nen he, amlogo wasuageluk waluk lagik, inagainafuri nen he, ineisena inagaisa inabit a'luk he, inoasuageluk inabok palhik, ugun aro.

MATIUS 10:21 ပူးပေါင်းရင်းမြစ်များ

2 SAMUEL 16:11

A'nogo yagaisasikhesik, hobuk at Abisai inom, at Daud agoromi mondogat inom, yi'nogo yagaisasikhe: ”An namlogo nonggwaregen tati mene ogore, nebe noasigiluk walhili'lago andi. Nen, ap Benyamin mene yi hunogo meneat hilingi'mo re, u hagat yaganeri'logo o. At nineisena Tuhan nenat, yi'nogo ino, iluk yagatemo nen ili'lago logou hak. Halok, at oba yi'nogo ti'nogo ekhe hilingitubo. We, aren homan nobagauwageluk herakfisani.

AYUB 19:19

An nagaila'lak ninom kwe kilik nikhi lago mene nen ineilenggen yetnealuk he, inapsiri nen nagaiserari'lagwi. An nen it inebe nendawinggen hundik welagirek meneat he, heraknobagaluk kwanirogo lili'lagwi andi.

MAZMUR 50:20

Hiren he it hinagaila'lak mene omanogo sebelogo fisigik, nen hinagaila'lak hinamep lak mene omanogo inabok palhik, hilingitu welagep.

YESAYA 19:2

Tuhan nen ikhi logolik he, ”An nen o Mesir oba andoma it inonggwarek inagaila'lak mene inom, weim yabuageluk hilingfisamo re, are nen are ekhe watik, it inawi horok-horokwe werek mene inebe wat-wat lagik, o kota ekhe nen kota ekhe mene inom weim yafik, nen kerajaan ekhe nen kerajaan ekhe mene inom weim yafik, hilingiti logogun o.

ZAKHARIA 13:3

Nen, ap ekhe ambi wene waluk yagaisikhi lagi iluk agarek mene andi re, ap andi eisena agaisa inomen he, hat he heranhogo wene lalinafi lagen enggere hebe hoasuak iluk yagati logogun. Nen, aren ambi an nebe nabi o, iluk ugu halok he, at a'nogo onggwarek eisena agaisa nen ebe pinggi talogo potfisikhi logogun.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.