MATIUS 10:18 - Allah Wene Fano Wene Hupla Inane

¹⁸ A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 10:18 ပူးပေါင်းရင်းမြစ်များ

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

MATIUS 10:17

Afuni nen it ap wene ero pilingitare'ma inoba wokhinarek lagik, o samban agare'ma andoma nen yei hinoatik, ugun a'naga re, hinebe hebelogo logoino o.

MATIUS 10:19

Hinanema a'nogo wanuageluk wokhinarek lagaikha halok he, hiren onggo yagaisogoin andi sambul at Allah nenat hinendawimo kagaligin. Halok he, onggo ninggi'nogo yagaisogoin iluk hinendawinggen fitubo.

MATIUS 8:4

Fano agaikhemo at Yesus nen he, mel yagatikhe: ”Haren he, Yesus nen yi'nogo higitnafe, iluk, afuni ekhe mondok yagaisagun o. We, ap Allah eisewerek mene nen eilenggen heowagen oba lambik yi'nogo hilingi'no. At Musa nen ikhi logolik he, Afuni inoba fano a'luk, Allah faget yi'nogo feino, iluk isikhe higithogoat fisugunem futhobagauwagen he, ekhe fisa lano o,” iluk yagatikhe.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 11:7

Wene a'nogo arat yagaisaga halok, mene olomene hangge hokho mene ekhe kweang a'ma nen inoba lagai wesimbik, inom weim yafi logolik, mabenet fisambik inebe inoasigin o.

WAHYU 6:9

A'nogo isigiri'mo nen, ombo'ne re, silo fagarek andi hak, suesingga uan meneba amusu te'merogo fesukwa a'nogo mene, Domba Eak a'nogo nen enggi enggaminogo oba arat fikhalhesigen, ekheba fikhalhunem he, afuni Allah ane ninghogo wanhukwasik, it ekhe yagaisikhi lagaukwa andi faget inoatukwa mene inareagun he, Allah anggo warogo endu noletarek oba a'ma andoma were'ma yerisigi o.