MATIUS 10:17 - Allah Wene Fano Wene Hupla Inane

¹⁷ Afuni nen it ap wene ero pilingitare'ma inoba wokhinarek lagik, o samban agare'ma andoma nen yei hinoatik, ugun a'naga re, hinebe hebelogo logoino o.

MATIUS 10:17 ပူးပေါင်းရင်းမြစ်များ

MIKHA 7:5

Hit he, hinarugwi mene nen ugun mene faget eberogo iluk angga fuk, nen, hinagaila'lak inoba himbirik logou fugat. Nen hit hinane ugunem inesanggo holek mene re hinonggwarek hinagagwi meneba nen ogore hinane uogeluk he hinendawinggen fanorogo wenggel halugen ugunogo.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

MATIUS 23:34

Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.

MATIUS 26:59

Hurek werek kwelek, it ap Allah eisewerek inogogwi kaindek inom, wene ero pilingitarek mene mondogat inomen, at Yesus wasuogeluk, mel isukwa: ”Afuni at weak hilingitunem ineilenggen haga mene uagen heraginabini,” iluk, ineranenat wene oba fouwageluk heraginafukwa mene re,

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

MARKUS 13:12

Nen agailak ekhe nen he, onggwarek agailak wasuageluk waluk wagik, eisena nen he amlogo wasuageluk waluk wagik, inagainafuri nen he ineisena, inagaisa inoasuageluk inabok palhik, ugun aro.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

KISAH PARA RASUL 17:14

A'nogo isukwama, Silas Timotius emberek, o andoma kamo ugu kwelek, it Allah againafuri omanogo nen, Paulus enek, ”Weak-weak lanok,” iluk waluk i laut hokho yenggelek aik oba wagaukwa.

KISAH PARA RASUL 22:19

A'nogo yaganetikhemo, an nen he, Noe. An o samban agarekwe yi awi ti awi kwilik laga logolik he, afuni inendawinggen hat hoba himbirik welagaukwa mene halok, inenggi hele watik, yei inoatik, hilingirik nikhi lagagi a'nogo, it mondok inelu o.

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

KISAH PARA RASUL 9:2

”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.

FILIPI 3:2

It afuni ekhe inobabut mene olo mene obabut hangge andi nen, yi mene ti mene faget weak hilingiti logolik, ”Hinagap hinenggalimo mene palogo lakfisano,” iluk hinendawimo kagali wesinogo iluk hinebe hebelogo logoino o.

2 TIMOTIUS 4:15

At andi ebe wene niren yagaisikhi lago mene ninane sagalogo herakfisaluk hilingiti laga andi nen, hat hobabut hebelogo logoino.

IBRANI 11:36

Nen, ekhe re, afuni inane aik weak asegen wogisigik, yei inoatik, inenggi hele warogo kwelakfisigik,