MATIUS 10:16 - Allah Wene Fano Wene Hupla Inane

¹⁶ A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

MATIUS 10:16 ပူးပေါင်းရင်းမြစ်များ

KEJADIAN 3:1

At nineisena Allah nen, yi mene ti mene enggi lek mene inom, werek mene inom elalhikhe mene andi mondogat he, we inobabut endebat lioksek meneat he, at kisu andi nek he, obabut mondok weak mene welagaikhe. Obabut a'nogo lagokse'ma re, he andi mel yagatikhe: ”He yi, Allah nen he, hit yabumo e enggen awi yagokwe yoma mondogat enggen ninggi logou fuk, iluk, eberogoat yagahisikhe a?” iluk heinok wokhasikhe.

KEJADIAN 3:13

A'nogo yagatikhemo, at nineisena Tuhan Allah nen he, at he a'nogo mel yagatikhe: ”Nenahalok a'nogo hilingiten?” iluk yagatikhemo, aren he, ”At kisu nen eranen lalnafemo enggen andi palogo ninggi o,” iluk yagatikhe.

NEHEMIA 4:13

A'nogo ikhi lagaukwa andi nen, an nen he, ap inebe mondogat karok inom, sikhe sige inom, sumburogo wogisasigi. A'nogo wogisasigisik, leget pa'leget oan huniti'lek welagaikhe kwe omanogo ebe lombok kagalek logouwageluk inunggulenu lombok sumburogo fisasigi.

YEREMIA 40:16

Oba nen Gedalya nen ikhi logolik, ”A'nogo hilingisu fuk! Haren Ismael faget egen mene andi re heranhogo wene egen o!” iluk yagatikhe.

HOSEA 7:11

Israel he, sue yalma mongol mene nen lagik wagik ikherek hak hilingiri'lagwi. Attak he iren Mesir mene nen lebetninapni o iluk kino lagaikha. Andi nen hobuk he Asyur mene nen lebetninapni iluk yagaisa lagaikha!

MATIUS 24:25

Wene andi oan hilinglagi'lek werek kwelek husumbi tak yagahisigi andi fanorogo futfikhi logoino o.

MATIUS 24:45

At Yesus nen a'nogo yagaisasikhesik he, hobuk ekhe mel yagaisasikhe: ”Ap kain mene ekhe againafuri kwelaginarek logolik inamburu wogisogoin higithogoat wogisikhi logouwageluk, at amingmingengge mene ayonggo fugunem, at endawimo kagalek logolik obabut oe ane igin mene higithogo hilingiterek andi sa anggegep. At andi oe andi nen menfuluk lagarego.

MATIUS 25:2

It inebe 10 andi, 5 fena re, inendawinggen wenggelek mene nen, 5 fena re, inendawinggen wenggelek lek mene welagaukwa.

MATIUS 25:4

Nen, it inendawinggen wenggelek mene aremnogo nek he, lampu inom, iwak ekhe minyak keralogo inom, waluk lagaukwa.

MATIUS 25:9

it helimenggerugwi inendawinggen wenggelek mene omanogo nen he, ”Lego. Fena minggilogo hit wokhisigik, ekhe nit heligik, umo re, legasigin o. Halok he, onggo pali'lagwiba andoma ekhe onggo pala lani o,” iluk yagaisasukwama,

LUKAS 10:3

A'nogo yagaisasikhesik he, ”Hit lani o. An nen hit he wam domba obabut hangge it afuni inobabut he, mene olo mene inobabut mondok weak andi hangge were'ma inanggele'ma heakhogo lakhinobagagin o.

KISAH PARA RASUL 20:29

Mene re, mene olo mene aik anini weak mene nen wam herakfigi'lek mondok ninggerek andi hak, an nebe lamo nen, it ekhe nen Allah againafuri hiren kwelaginarek welagep mene andi weagerinabi kwi wesugun mene werego, iluk an nelu.

1 KORINTUS 14:20

Nerugwi nagaila'lak. Wene hinendawimo ebeti lagep andi re, yenggerugwi inendawimo ebetarek hak ebeti logogup. We, omalik ket tago mene nen weak hilingitu inonggot welagaikharek hak logolik, hinendawinggen inalue inendawinggen hangge wurikhogo logoino.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

2 KORINTUS 11:14

It hilingiri'lagwi andi elalinat hilingiri'lagwi fuk. Ineisena Iblis onggwarek eranenat, malaikat selegerinaferek wene waluk we'luk hilingitarek hak hilingiri'lagwi o.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

2 KORINTUS 8:20

Hokhorogoat fisili'lagwi mene andi, niren andogorogo wilik lagunem, it afuni ekhe nen ninabok weak palinogo iluk he, ninendawinggen wenggelogo mondok hilingiti lago.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

KOLOSE 4:5

It afuni Allah ane inonggot mene faget he, hit hinendawimo mondok kagalek logolik: ”Nit Allah againafuri hilingisugun mene fanoasuak yabaat hilingiti logouwok,” iluk andi meneat hilingiti logoino o.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

1 TESALONIKA 5:22

Weak mene halok, mondogat hilingiti'lek logoino.