MATIUS 1:6 - Allah Wene Fano Wene Hupla Inane

⁶ Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik,

MATIUS 1:6 ပူးပေါင်းရင်းမြစ်များ

2 SAMUEL 11:3

Hasikhesik, ”He andi sa,” iluk afuni inoba heinok wogisa loagaluk afuni ekhe inayonggo fesikhesik lakfisasikhemo lagaukwasik, heinok wanhukwama, iren he, ”He ari enu re Batsyeba, eisena enu Eliam, nen agun he ap Uria unggulenu Het mene a'nogo agwe,” iluk yagaisasukwama, iren he Daud yagasi wagaukwa.

2 SAMUEL 23:1

At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

1RAJA-RAJA 15:5

Tuhan nen a'nogo hilingitikhe andi re Daud en Tuhan endawimo agaiyek hoageluk hilingiti lagaikhe andi. At Daud he Tuhan nen wene melalogo yi'nogo hilingi'no ti'nogo hilingi'no iluk yagatikhe mene omanogo ekhe herakfigi'legengge hilingiti lagaikhe, oba nen we hun Uria awi Het agun andi inom wene hilingitukwa mene andi nek he wene melalek taganhogo hilingitikhe.

1 TAWARIKH 14:4

At amlogomi o Yerusalem en ta'lagaukwa mene inenu re: Syamua inom, Sobab inom, Natan inom, Salomo inom,

1 TAWARIKH 2:15

ombo'ne Ozem, ombo'ne Daud taginafikhe,

1 TAWARIKH 28:5

Aren he an nanlogomi hokhorogo wo'netesik, an nagainafuri mondogat andoma nen he at Salomo nek he o kerajaan Tuhan it afuni Israel mene omanogo inoe raja logolik melalinafi lagogin mene wenagaisogo fesikhe.

1 TAWARIKH 3:5

againafuri hokhorogo ta'lagaukwa. Nen at agwe Batsyeba hun Amiel a'logo a'nogo nen he, Daud amlogomi inebe enggaminogo o Yerusalem en ta'ginafikhe mene inenu re: Simea inom, Sobab inom, Natan inom, Salomo inom.

MAZMUR 72:20

At Isai amlogo Daud en samban oba Allah ayonggo fikhi lagaikhe menere huli yiba.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

MATIUS 1:5

Salmon en he, he Rahap wanhikhesik he, Boas tatik, Boas nen he, he Rut wanhikhesik he, Obed tatik, Obed en Isai tatik,

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

1 SAMUEL 16:1

At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.

1 SAMUEL 17:12

At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.

1 SAMUEL 17:58

A'nogo wagaikhemo, at Saul en he, ”Nagot, hat sa amlogo nogo,” iluk heinok wokhasikhemo, at Daud en he, ”An hamingmingengge yi neisena re, Isai aiba o Betlehem mene a'nogo amlogo o,” iluk yagatikhe.

1 SAMUEL 22:8

Andiba re hit hinebe at hinom sebe'luk he an noba nane sagalogo fuluk, ap misik ekhe nen ogo, an namlogoba nen ogo, at Daud ikhi lagep mene a'nogo ebikhit aga iluk mel yaganeti lagep lek andi a? Hit ya welagep mene oma re, ap misigen iluk ogo an nobaget wenggel nea lek mene nek welagep! At Daud an nonggwarek namingmingengge a'nogo nen an nebe ninggini'mo nen wasigin iluk eil wo'nabik nugu kwelek inom, nen an namlogo Yonatan a'nogo nen ogore at Daud oba yi'nogo hilingi'no iluk endawimo kagalik nugu kwelek oba nen mene ogore yaganeti'legat hilingiti lagep andi ri!” iluk yagaisasikhe.