MATIUS 1:20 - Allah Wene Fano Wene Hupla Inane

²⁰ A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

MATIUS 1:20 ပူးပေါင်းရင်းမြစ်များ

KEJADIAN 31:11

Nen, an nabi hugunem aremnogo, At Allah ebe malaikat higit a'luk an nabiba yaganeti logolik, ’Yakub ahwi!’ ugunem an nen, ’Wui!’ iluk yagati.

KEJADIAN 46:3

A'nogo yagatikhemo, at Allah nen he, ”Hat heisena nen foge'nafi lagaikhe a'nogo Allah nebe Anaro. Haren he, O Mesir lagain nailo, iluk anggagun. Lano aro. Andoma lamo an nen haren tagongge mene inunggulenu mondok hokhorogo asuageluk hilinginabigin aro.

1RAJA-RAJA 17:13

A'nogo yagatikhemo, at Elia nen he, mel yagatikhe: ”Nerei e. Nit afuni Israel mene nineisena Tuhan Allah fogeratorek mene a'nogo nen he, Tepung al mene mangkok elema mene andi lek agi'legat, nen, amusu botol elema mene andi lek agi'legat mondok were'ma nen enek, huli An hineisena Tuhan nen o meiso kweangma pelabi wesigin andi huli asigin o, iluk ikhe andi nen he, ninggi'nogo hilingisigin he, iluk hendawi fitun o. Haren tepung al mene andem neak nemberek nogoin mene werasigiluk egen, meneat he, hit faget oan werasigiluk logolik, tepung andem mene sumburu roti endebat ekhe inom, i andi inom, he an tak weragaisogo wo'nesi we'no o,” iluk yagatikhe.

1RAJA-RAJA 3:5

Andi sambul arat noletikhesik he, o hubanggo nogo ugunem, Tuhan nen at elokhoma menlagaikhesik, abiba mel yagatikhe: ”Salomo. Hat hamolo mene An nen wokhesigin enggere, kino yaganom o,” iluk yagatikhe.

MAZMUR 119:125

An he Hat hamingmingengge welagimo re, Hat hawene melalek a'nogo futfikhi logouwageluk, Harenat hilingnobagakhi logoin.

MAZMUR 143:8

An he Hat hoba nek nendawi eberek welagimo re, o hubet ekhe sambul-ekhe sambul andoma Haren hendawi hundik hilingnafi logolik welagen mene andi faget ebetniikhi logoino. An nen samban Hat hoba yagaheti lagi andi nen he, an kwe loageluk Haren yaganeti logoino.

MAZMUR 94:19

An nendawi fit la'luk nafe wonghogo werek sambul he, Harenat konnafik nagaiyek mene hilingnobagagik, ikhi lagen.

AMSAL 12:5

Ap higithogo hilingitarek mene re wene fano meneat wenggelharek, nen ap obabut weak mene nen he wene eranhogo wene nek wenggelhu mondok welagarek.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YESAYA 7:13

A'nogo isikhemo re at Yesaya nen ikhi logolik, ”Ariginik halok he, hun raja Daud omba yi, wene yi hesanggo fanorogo holin o. Haren he afuni inoba lombukhogo were'ma nen inobabut palogo inendawinggen kagalhunem inabit ari'logo andi elok anggikhi logolik, an neisena Tuhan ferekhogo hilingiterek lek mene a'nogo obabut palhunem abit asuageluk hilingiti lagen a?

YESAYA 7:2

Afuni nen ikhi logolik, ”Ap Siria mene esa fologo afuni Israel mene were'ma kwi wagaikhasik inom mangotha ugunem raja Ahas inom, afuni mondogat omanogo inom inesanggo holhukwasik inailo hokho mene agaikhemo re e wilibik mene sogoien funhugunem leigeterek hak inoak leigeti lagaukwa.

YEREMIA 31:22

Yago, hit hinunggulenu An noba tiphogo hilingiti lagep lek mene yi re, hit hinendawinggen pire pare ikhi logolik werek kwelek enek he ki huli logogun nogo? Hemi nen ap ineyaga welagaikharek hak, An nen o kweangma yoma ekhe hilinglagarek lek mene mondok ket mene hilingisogo figi o,” iluk ikhe.

YEREMIA 33:26

An nen wene at Yakub ambisangma mene inom, nen namingmingengge Daud ambisangma mene inom faget watigi mene andi re fisogo mondok logogun. At Daud en tagomangge mene ambisangma mene misik ekhe nen he Abraham, Ishak, Yakub inambisangma mene melalinafi logouwageluk An nen wenagaisogo fagain. An nen nagainafuri inoba nendawirinafik, nen it inebeba sik pikhogo logouwageluk hilingfisigik igin aro,” iluk ikhe.

YEREMIA 40:9

Lagaukwama Gedalya nen it inoba yagaisikhi logolik, ”Hit he raja Babel mene enggiba asugunmo re hinailo asu fugo. Hit he nit ninonggwarek ninanggweang oba yoma logobagaigen he raja Babel mene amingmingengge a'ni o. Hit hinagap telek logogun iluk andi re an nenat yagahisikhi lagi.

YOEL 2:28

A'nogo yagaisasikhesik ekhe mel isikhe: ”A'nogo hilinglasimbik oba nen An nawi andi wei ugunem he, Nareagun hokhorogo afuni mondogat inoba pelagisa wesigin o. A'nogo pelagisa wesumo re inagainafuri ap inom, helime yenggerugwi inom, inomen an nane yagaisikhi logogun. Nen, inaluendek hinanggelekwe logogun mene andoma inabi higik, ap souge inom, helime silerik inom inabikanggoba yagaisigik, ikhi logogun aro.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

MATIUS 1:18

At Yesus Kristus ta'lagaikhe andi ebe yi'nogo ta'lagaikhe. Agaisa Maria andi, ap Yusuf ebe wanhi'lek, we, wenago were'ma re, Allah Areagun en omalik a'mat fesikhe.

MATIUS 2:12

Wogetukwasik nogo ugunem at Allah nen he, ”Hit hobuk hinambotkwe Herodes oba lagup,” iluk husumbi yagaisasikhemo inabi hasukwasik he, kwe hunogo kwe nen inaiba lagaukwa.

MATIUS 2:13

It ap hesagal ineilenggen en waluk wagaukwa mene omanogo arat lagaukwama re, hubanggo at Yusuf nogo ugunem malaikat pogoroba nen wagaikhesik he, abiba mel yagatikhe: ”Yusuf. Hat he, omalik tago ari agaisa emberegat woginarek, o Mesir andoma heise lan o. Lambik he, andomaat logoino o. Were'ma an nen yagaheti halogat we'no. At kain Herodes a'nogo nen omalik tago ari wasigeluk ili'logo o,” iluk yagatikhemo abi hasikhe.

MATIUS 2:19

At kain Herodes a'nogo arat wa'lagaikhemo re, malaikat Allah nen lakfei wagaikhemo wagaikhesik he, Yusuf o Mesir andoma logolik nogo ugunem hubanggo abiba re, mel yagatikhe:

MATIUS 2:22

Wagaukwama re, it afuni nen he, ”O Propinsi Yudea tonggwe omanogo hobuk ap kain he, enu Arkelaus, andi eisena Herodes obali'mo menfagama werego,” iluk isukwama, Yusuf esanggo holhikhesik he, o andoma lagain ailo agaikhesik were'ma, at Allah nen, ”O Yudea andoma lagun o,” iluk, abiba husumbi yagatikhemo, o Galilea andomaat wagaukwa.

MATIUS 27:19

wene ero pilingitare'ma aremnogo hurek were'ma, at Pilatus agwe nen ap ekhe wene warogo lakfei wagaikhe. Lakfei waga logolik he, mel isikhe: ”An hubanggo nogo ugunem ap andi fagerat nabi mondok weak higirigo. Halok he, at obabut fano mene andi hat hinomen wene oba fugubo,” iluk isikhemo yagasi wagaukwa meneat he,

MATIUS 28:5

Nen, at malaikat a'nogo nen it hemi omanogo yagaisikhi logolik he: ”Hinailo agubo. Hit he, Yesus eba menfuluk wata mene a'nogo hineilenggen houwogeluk wagep andi, an nelu o.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 2:4

Nen, at Yusuf ogo re, Daud en tagongge mene andi nen he, o Galilea tonggwe o sili enu Nazaret andi nen he, o Yudea ap Daud ta'lagaikheba o sili enu Betlehem pigeluk, at Maria emberek wenago welagaukwa a'nogo eak a'ma were'ma emberegat inenu lisu paluageluk pisukwa.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

WAHYU 19:7

A'nogo logolik, Domba Eak agwe ikhageluk awi arat wei ikhemo, at agwe a'nogo onggwaregen arat lombologo fakhikhemo andi nen he, ebe arat isigiluk logolik ninendawimo ninagaiyegen ninanggilukhogo at fogerati logouwogo.

HAKIM–HAKIM 13:3

A'nogo meneat he, o inenggi ekhe sambul malaikat Tuhan ekhe elokhoma menlasi wagaikhesik he, mel yagatikhe: ”Hat attagen pikhit yogondagen he, omalik ekhe taginafi'lek welagen. A'nogo meneat he, henggi welagi'legat omalik ha'ma asimbik, heak abat ekhe takhagain o.