MATIUS 1:12 - Allah Wene Fano Wene Hupla Inane

¹² Nen, afuni Yahudi mene o Babel woginarek lagaukwama logolik he, hobuk at Yekhonya nen he, Sealtiel tatik, Sealtiel en Zerubabel tatik,

MATIUS 1:12 ပူးပေါင်းရင်းမြစ်များ

2 RAJA-RAJA 24:14

A'nogo waluk laga logolik, ap raja Yoyakin ebe inom, agaisa inom, agagwi inom, agoromi kaindek inom, afuni Yehuda mene inogogwi kaindek inom, inebe inenuwerek mondogat 7.000 nen, ap yi mene ti mene hilingitu inelu mene inom, yi mene ti mene posiemanggen mene hilingitu inelu mene inebe 1.000 nen inom, ap inomame hokho weim inailo'lek yafarek mene inom, ap raja nen tagongge mene inom, inogogwi ekhe inom, mondogat inebe lambukhogo re 10.000 nen hele warogo o Yerusalem en o Babel woginarek lagaikhe. Andi inenu werek welagaukwa mene mondogat a'nogo woginarek o Babel lagaikhemo, afuni inebe kembu inelagaik mene nek o Yerusalem welagaukwa.

2 RAJA-RAJA 25:27

A'nogo hilingitukwasik oba nen, it ap Babel mene nen it afuni Yehuda mene inoe raja Yoyakhin a'nogo enggi hele warogo o Babel waluk lagaukwasik oba nen 37 tahun welagaukwasik, tugi it inenggi wenati lagaukwa higithogo 12 oba, tanggal 27 werek kwelek, ap enu Ewil-Merodakh andi ebe afuni Babel mene inoe raja hilinglagaikhe. A'nogo hilinglagaikhesik, tahun andibaat, aren ap Yoyakhin hele warek welagaikhe mene a'nogo ebe endawi hasikhesik, o inenggi hele warogo fisagare'ma andoma nen hele fikhalogo wulabi wagaikhe.

1 TAWARIKH 3:17

At Raja Yoyakim ap Babel inaben hele wa'luk lagaukwa mene a'nogo ambisangmangge nen tagonggere yi. At againafuri inebe sabiren welagaukwa mene inenu re: Sealtiel,

EZRA 3:2

Andogotukwasik logolik he, Yozadak amlogo, Yesua agaila'lak imam omanogo inom, Sealtiel amlogo, Zerubabel a'nogo agaila'lak inomat en, attagat at Allah amingmingengge Musa a'nogo nen, ”Nineisena Allah anggo warogo a'nogo noleti logoino,” iluk isikhesik lisu palhikhe higithogo noleti logouwogeluk, yi mene ti mene nineisena Allah Israel faget noleti logogun oba a'nogo, hobuk wutukwa.

EZRA 5:2

A'nogo yagaisugu were'ma re, it ap nabi pire aremnogo nen ugu mene a'nogo holhukwasik he, hun Sealtiel amlogo Zerubabel inom, Yozadak amlogo Yesua inom he, o Tuhan Awi Yerusalem nekhengge fakfesukwasik wutunem it ap nabi pire andem nen leberisikhi lagaukwa.

NEHEMIA 12:1

It ap imam mene inom, Lewi mene inom hele warogo huginabi lagaukwama nen at Zerubabel hun Sealtiel amlogo a'nogo inom, Imam Agung Yesua inom seberogo inambotkwe inaiba wagaukwa mene inenu palek he yi:

YEREMIA 22:24

Tuhan nen raja Yoyakhin hun Yoyakim afuni Yehuda mene inobaget inoe raja welagaikhe mene a'nogo amlogoba ikhi logolik, ”An Allah nonggwarek neluk welagi mene nenurogo re, hat hebe faget An nen he helep senggan henggi segelet pikhit kwe meneba enegengge kel fugunem hangge hilingik welagen o, oba nen An nen hat hebe henogo re,

YEREMIA 22:28

A'nogo ikhemo an Yeremia nen ikhi logolik, ”Yago, hun Yoyakin andi re iwak halok ugunem hugisagarek andi hak agama re inendawirasugun lek nogo a? Ero andiba at inom againafuri inom o kweang inonggotma andoma hugisa logoin nogo a?”

YEREMIA 22:30

Tuhan nen he yi'nogo ikhe, ”Ap andi againafuri re mondogat longgo igik, nen aren hilingitu mene re ambisangma fano mene ekhe agi'lek logogin iluk anggomo palek werek hilingi'mo re, aren tagomangge ambisangma mene andoma re o Yehudaba yoma raja Daud ambisangma mene iluk ferinarek logolik logogun mondok legaro. Iluk An Tuhan nen nane mondogat igi,” iluk ikhe o igi.

HAGAI 1:1

Hun Darius afuni Persia mene faget raja menlagaikhesik ferinarek werek kwelek tahun pirenek meneba re, tugi falfalik mene tanggal satu ba werek kwelek, Tuhan ane nabi Hagai bene nen yagaisasikhe. Wene hilingisuageluk Tuhan nen isikhe mene andi re hun Sealtiel amlogo Zerubabel afuni Yehuda mene inobaget gubernur welagaikhe mene andi inom, hun Yozadak amlogo Yosua ebe Imam Agung welagaikhe mene andi inomen hilingisuageluk yagaisasikhe.

HAGAI 1:12

A'nogo iluk yagaisasikhemo ap Zerubabel inom, Yosua inom, afuni Israel mene mondogat hele warogo o Babel lakfisasukwama nen sugulogo inambotkwe wagaukwa mene omanogo inomen he at Hagai Tuhan nen ayonggo fesikhesik lakfei wagaikhe mene a'nogo nen yagaisasikhe mene omanogo hologo hilingitukwa. Iren he, Tuhan oba inailo anggasukwasik he, Tuhan nen yi'nogo hilingi'no, ti'nogo hilingi'no iluk yagaisasikhe mene omanogo hologo hilingitukwa.

HAGAI 1:14

A'nogo Tuhan nen at Gubernur Zerubabel inom Imam Agung Yosua inom, afuni hele warogo lakfisasukwama nen sugulogo inambotkwe wagaukwa mene omanogo inebe mondogaren he Tuhan Omame Mondok Hokho mene it ineisena Allah a'nogo awi wusuageluk inendawimo hilingfesikhe.

HAGAI 2:2

Tuhan nen Hagai mimingiti logolik he, hun Gubernur Zerubabel inom, Imam Agung Yosua inom, nen afuni we mene andoma inomat inoba yagaisoageluk yi'nogo yagatikhe,

HAGAI 2:23

Linggene andi sambul, hat hamingmingengge Zerubabel he, An nenuba ferinarek logolik yagaisikhi logouwagen menfogoin. Andi re An nen hat wenakhafigimo a'luk hilingisigin, iluk Tuhan Omame Mondok Hokho mene a'nogo nen ikhe ino,” iluk yagatikhe.

MATIUS 1:11

Yosia nen ap Yahudi mene o Babel woginarek lagaukwa andem higit, at Yekhonya agaila'lak inom taginabik, a'nogo taginabik wagaukwa.

MATIUS 1:13

Zerubabel en Abihud tatik, Abihud en Elyakim tatik, Elyakim en Azur tatik,

MATIUS 1:17

A'nogo taginabik wagaukwa andi re, ap Abraham ta'lagaikhe huli nen he, ap Daud ta'lagaikhe andi huliba inambu inombalak inebe 14 huli nen taginabik wagaukwa. Nen, Daud ta'lagaikhe huli nen he, afuni Yahudi mene woginarek o Babel lagaukwa andi huliba inambu inombalak 14 huli nen hobuk taginabik wagaukwaat. Nen, ap Yahudi mene o Babel woginarek lagaukwa huli nen he, Kristus ta'lagaikhe andiba, inebe 14 huli nen hobuk taginabik wagaukwaat andi.

LUKAS 3:27

Yoda andi re, Yohanan amlogo. Yohanan andi re, Resa amlogo. Resa andi re, Zerubabel amlogo. Zerubabel andi re, Sealtiel amlogo. Sealtiel andi re, Neri amlogo.