LUKAS 9:55 - Allah Wene Fano Wene Hupla Inane

⁵⁵ A'nogo isukwama, at Yesus elokhe hebekhogo wogisasikhesik he, ”A'nogo hilingisugun lego,” iluk wenagisasikhe.

LUKAS 9:55 ပူးပေါင်းရင်းမြစ်များ

2 SAMUEL 19:22

A'nogo yagatikhe meneat he, at Daud en Abisai oe Yoab emberek mel yagaisasikhe: ”Hit Zeruya againafuri yi re, an nen igin mene andi hiren sagalogo fogoin lego. An o yogondagen afuni Israel mene inoe raja hilinglagiat andi nen he, afuni Israel mene ekhe wene inoba fembik inoasugun mondok lego,” iluk yagaisasikhe.

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

AYUB 26:4

Hat he saba heilenggen lourek logolik hane mati lagen? A'nogo ino, iluk he sa nen hat hambeba wene fikhemo a'nogo ikhi lagen?” iluk isikhe.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

AMSAL 9:8

Ap ekhe yagatunem abit anggugu halok he, hat ha'mage at oba fou fuk, a'nogo hilingisigin halok he, aren hat hebe abiret hobagagakhi logogin. Oba nen he, ap hebelek mene oba nek he haren at oba weak hilingik mene andi yagasigin halok he, aren endawit habigin werek a'naga.

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

MATIUS 26:33

at Petrus nen he, ”It mondogat herakhobagaluk pugulha halok an enek he, herakhobagaluk heise wulibigin mondok lego,” iluk yagatikhemo,

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

MATIUS 26:51

Fakfugunem he, ap ekhe Yesus inom welagaukwa mene a'nogo nen karok awingga elonggoma kwelabek mene oua'ma nen lisogo re, ap Allah eisewerek inoe kain mene amingmingengge ekhe wasigeluk fugethasikhe re, esanggo nek sabelogo lakfesikhe.

LUKAS 9:54

A'nogo herakfisasukwama, at agoromi ane wanhi lagaukwa mene inebe pire Yakobus inom, Yohanes inom, ineilenggen isasukwasik he, mel isukwa: ”Ninoe! Haren fano anggegen halok he, inebe inoasuageluk pogoroba nen endu pelakfei wesuagen he, kino yagasuok he a?” isukwa.

LUKAS 9:56

A'nogo wenagisasikhesik he, o ekhema lagaukwa.

YOHANES 16:9

At wesimbik he, hiren hinendawinggen Yesus oba himbiret figi'lek welagep andi weak, iluk fakhogo yagahisa wesigin.

YAKOBUS 3:10

Ero ninambe misik mene andi nenat, Allah fogeratik, afuni homan fisigik, ogorek andi. Nerugwi nagaila'lak. A'nogo hilingisu lek meneat hilingitorego.

1 PETRUS 3:9

Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.