LUKAS 9:48 - Allah Wene Fano Wene Hupla Inane

⁴⁸ it omanogo wene mel yagaisasikhe: ”Hit hinanggele'ma yoma at enu lek sebelek mene andiat ebe kain enu werek asigin andi nen he, sa nen yenggerek yi an faget wanhe halok he, An nebeat wo'nabigin o. Nen, sa nen an wo'nafu halok he, At laknobagai wagaikhe mene a'nogoat wanigin o,” iluk yagaisasikhe.

LUKAS 9:48 ပူးပေါင်းရင်းမြစ်များ

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

MATIUS 18:14

Andi hak he, hineisena pogoroba mene a'nogo mene anggikhi logolik, Yenggerugwi magendek andi higit ekhe longgo uageluk anggikherek mondok lego,” iluk yagaisasikhe.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

MATIUS 25:45

an nen he, ”Hiren afuni ekhe inenu lek mene halolot fisikhi lagagip andi re, anat halolot nobagakhi lagagibo, iluk yagaisasikhesik he,

MARKUS 9:37

”Sa nen yenggerek yi hangge mene misigat ekhe an faget wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin fuk. Neisena laknobagai wagaikhe mene a'nogo ebeat wanigin o,” iluk yagaisasikhe.

LUKAS 10:16

A'nogo yagaisasikhesik he, at agoromi ane wanhi lagaukwa mene omanogo yagaisikhi logolik he, mel isikhe: ”It afuni nen hit hinane holi'lagwi halok he, an naneat holi'lagwi o. Nen, ninabit, iluk herakhinobagaga halok he, Anat heraknobagaga o. Nen, An heraknobagaga halok he, An laknobagai wagaikhe mene a'nogo Ebeat herakfisaga o,” iluk a'nogo yagaisaluk he, lakfisasikhe.

LUKAS 22:26

hiren, a'nogo hilingisugun mondok lego. Halok he, hit mene ekhe nen he, an nenu werek logoile, anggugu halok, hinagorat asuago. Nen, an nen ferinarek logoile, iluk anggugu halok he, hinamingmingenggeat asuago.

LUKAS 7:28

Halok he, an nen wene ekhe yi yagahisak. Afuni mondogat inagaisalagen taginabik wagaukwa meneat he, inenu lek enek. Meneat he, Yohanes andi nek he, enu werego. Meneat he, Allah awe a'ma fisikhere'ma andoma, at Yohanes enu lek hak meneat he, it afuni ekhe inenu lek mene andi inenu werek hangge aro,” iluk yagaisasikhe.

YOHANES 13:20

”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.

WAHYU 21:14

Nen, leget pa'leget waganek andi, obule helep ebe 12 nenatma re, at Domba Eagen inebe 12 nenat wenagaisogo inayonggo fuluk lakfisasikhe mene omanogo inenu lisu palek welaga higi.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,