LUKAS 9:47 - Allah Wene Fano Wene Hupla Inane

⁴⁷ Inane a'nogo sagalhukwa mene, Yesus nen inendawimo anggasukwa mene enegat futfisasikhesik, yenggerek mage mene ekhe waganogo era'lu fei wagaikhesik he,

LUKAS 9:47 ပူးပေါင်းရင်းမြစ်များ

MAZMUR 139:2

An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

MAZMUR 139:23

Allah neisena, an nendawimo kwelaknealuk he, fanorogo peneti logoino. An nobabut palhi logoino Nendawimo ebetirek mene, Hat helurogo logoino.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

MATIUS 12:15

Weim abok a'nogo ugunem, at Yesus nen inobabut enegat futfisasikhesik he, o andoma nen lagunem afuni inebe hokhorogo, at ombo'ne lagaukwa. Lagaukwama re, ou weak mene mondogat higirinafikhesik he,

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

LUKAS 5:22

A'nogo anggasukwama, at Yesus nen, it inendawimo anggasukwa mene enegat futfisasikhesik he, ”Hit hinendawimo a'nogo anggikhi lagep andi nenahalok.

YOHANES 16:30

Hat he, afuni nen wene ekhe heinok wokhiigi'lek halok he, wene ebe honggot fugo. Hat he yi wene ti wene mondogat helu nek heogo o. Hat hebe eberogoat Allah nen lakhobagai wagaikhemo wagagin, iluk yogondagen futhobagago,” iluk yagatukwa.

YOHANES 2:25

Afuni inendawimo at elu mondok welagarek andi nen he, afuni ekhe nen: ”It ekhe inobabut yiginik,” iluk at yagasugun mondok elo'lego.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

1 KORINTUS 14:20

Nerugwi nagaila'lak. Wene hinendawimo ebeti lagep andi re, yenggerugwi inendawimo ebetarek hak ebeti logogup. We, omalik ket tago mene nen weak hilingitu inonggot welagaikharek hak logolik, hinendawinggen inalue inendawinggen hangge wurikhogo logoino.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.