LUKAS 9:45 - Allah Wene Fano Wene Hupla Inane

⁴⁵ wene andi it futfeinogo iluk Allah nen inendawinggen ohena hangge salogo fesikhemo, it futfigi'lek logolik, mel isukwa: ”Wene andi ki'nogo mene faget yaganisegen,” iluk heinok wokha inailo nen he, kamo isukwa.

LUKAS 9:45 ပူးပေါင်းရင်းမြစ်များ

MATIUS 16:22

A'nogo yagaisasikhemo at Petrus nen he, Yesus waluk ale'ma lagaikhesik he, mel yagatikhe: ”Hat wene egen andi hilinghabinogo nen he, Allah nen telhabuago,” iluk komotikhe.

MATIUS 17:22

Hobuk he, at Yesus agoromi inom o Galilea andoma andogotukwasik logolik he, mel yagaisasikhe: ”An abat ta'lasi wagagi a'nogo re, aben yonggo lambik it ekhe inenggiba nobagaumo

MARKUS 9:10

Komorinafikhemo re, wene inendawimo wanhukwa meneat he, it-it ikhi logolik mel isukwa: ”Noatunem hobuk neluk asigin iluk ikhe andi ninggi'nogo hilingisigin mene faget ikhe,” iluk wene ero herarik-herarik pi wagaukwa.

MARKUS 9:32

iren wene andi wongetfesukwasik he, heinok wokha inailo nen kamo isukwa.

LUKAS 18:34

a'nogo fakhogo yagaisasikhe meneat he, hinago mene ikhe iluk, at agoromi omanogo ninggi'nogo mene faget ikhe heat wonget fesukwa.

LUKAS 2:50

it emberek futfigi'lek wonget fesukwasik welagaukwa.

LUKAS 9:46

A'nogo werek kwelek, it Yesus agoromi ane wanhi lagaukwa mene omanogo nen ikhi logolik, at ekhe nen he, ”Kain henu werek hat nogo? An o,” igik inane sagalhukwa.

YOHANES 12:16

A'nogo kwisikhe meneat he, andi sambul, irat agoromi ane wanhi lagaukwa mene omanogo nen, wene hilinglagaikhe mene andi futfigi'lek. Meneat he, at Yesus wa'lagaikhesi'mo nen hobuk Allah nen eluget fesikhesik esinet fesikhemo nen, inendawimo ebetukwasik he, mel isukwa: ”At faget Allah ane lisu palek werek aro. It afuni nen at faget hilingitunem nineilenggen hasugu a'nogo re, wene lisu palek werek andi higithogoat hilingitukwama o,” iluk inendawimo ebetukwa.

YOHANES 12:34

A'nogo isikhemo, it afuni hokhorogo omanogo nen he, mel yagatukwa: ”Wene Allah nen komotninafikhe wene andiba re, nit afuni telninabuageluk Allah nen ap ekhe lakfei wesigin andi ebe wesimbik he, eluk mondok logogin. Iluk isikhemo ninesanggo holhorek meneat he, haren ikhi logolik he, An abat ta'lasi wagagi a'nogo afuni nen kweangma yoma mennobagagagun iluk egen andi re, ap ekhe abat ta'lasi wesigin isikhe andi ebe sa faget isikhemo nen egen,” iluk yagatukwa.

YOHANES 14:5

at Tomas nen he, mel yagatikhe: ”Noe. O hat lagain oba andi ninonggotma re, kwe andi ninggi'nogo nen ninelu asigin o,” iluk yagatikhemo re,

YOHANES 4:33

at agoromi ane wanhi lagaukwa mene omanogo nen it-it heinok wanhi logolik he, mel isukwa: ”Afuni nen yi mene ti mene ekhe at noageluk wogosi wagaikhama nen ikhe he a?” iluk isukwa.