LUKAS 8:48 - Allah Wene Fano Wene Hupla Inane

⁴⁸ A'nogo yagatikhemo, at Yesus nen he, mel yagatikhe: ”Na'logo e! Hendawinggen eberogoat noba himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 8:48 ပူးပေါင်းရင်းမြစ်များ

2 RAJA-RAJA 5:19

A'nogo yagatikhemo at Elisa nen he, ”Nagailage. Haiba fanorogo lano o,” iluk yagatikhemo, at Naaman aiba lagaikhe. A'nogo lagaluk horogat lagaikhe hak,

KELUARAN 4:18

A'nogo mondogat yagatikhemo re, at Musa a'nogo ambotkwe eamal Yitro aiba lagaikhesik, mel yagatikhe: ”An nambotkwe o Mesir lambik, an nagaila'lak omanogo ineluk werega, lega iluk neilenggen isa lageluk yagaheti lagi o, neisena. Higit lagain a? Lega?” iluk yagatikhemo, at Yitro nen he, mel yagatikhe: ”Lagain fano. Nagot,” iluk yagatikhe.

MATIUS 12:20

O wurep oba aren wene afuni inoba figik, kotik, higithogoat hilingiti logolik, at omame asigin oba andi oan werek kwelek, findayo oak kwanirek mene aren sombologo lakfisigik, nen, esage amulok lagagi'lek hule nek lagaikhe halok he, aren nagulisigik igin legaro.

MATIUS 8:13

A'nogo yagaisasikhesik he, ap tentara mene inoe kain a'nogo mel yagatikhe: ”Hebe lan o. Hat hendawinggen noba himbiret fuluk, hendawimo nen he, Yi'nogo fano higitnesigin iluk anggegen andi hagat hilinglasuago,” iluk yagatu kwelek aremnogoat he, amingmingengge mene a'nogo oba fano asi lagaikhe.

MATIUS 9:2

ap ekhe enggi eisok mondok wut warek welagaikhe mene e talek oba wengik werek kwelek yerogo waluk oba wagaukwama, at Yesus nen he, ”It andi inendawinggen an noba himbiret fagasigen waluk wagaikha higi,” iluk, eilenggen enegat isasikhesik he, ap enggi eisok wut warek mene a'nogo mel yagatikhe: ”Namlogo e. Hendawimo hagaiyek ame o. Hat weak hilingiti lagen mene re, an nen sebelogo legetfisigi,” iluk, yagatikhe.

MATIUS 9:22

Enggi fakhasikhemo re, at Yesus nen elokhe hebekhogo eilenggen ambotma kwelakhasikhesik he, mel yagatikhe: ”Na'logo e! Hendawimo hagaiyek ame o. Hendawinggen noba himbiret fegen andi nen fano agen o,” iluk, ugu kwelek aremnogoat he, he a'nogo arat fano agaikhe.

MARKUS 5:34

Yagatikhemo, at Yesus nen he, mel yagatikhe: ”Na'logo e. Hendawinggen noba eberogoat himbiret fegen andi nen fano agen o. Halok he, hendawimo fanorogo lan o,” iluk lakfesikhe.

LUKAS 17:19

at ap wagaikhe a'nogo oba mel yagatikhe: ”Eberogoat hilingnabigin, iluk hendawinggen noba himbiret fegen andiba arat fano agen o. Halok, hebe menla'luk haiba lan o,” iluk lakfesikhe.

LUKAS 18:42

at Yesus nen he, mel yagatikhe: ”Heilenggen mum ari fano ame o. Hat hendawinggen an noba eberogo nen himbiret fegen andi nenat fano agen o,”

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 8:47

Yagatikhemo, at he a'nogo endawimo nen he, ”Arat futnobagaikhe higi o,” iluk, ailo agaikhesik, oak lei'leik Yesus oba wagaikhesik he, eindep awi yagaisogo awe a'ma kwisikhesik mel yagatikhe: ”An yi'nogo nen hasu nenggi fakhigi o. A'nogo fakhugu kwelek aremnogoat fano agimo yi,” iluk, afuni omanogo ineilhanem mondok pilingisogo yagatikhe.

KISAH PARA RASUL 14:9

Hurek logolik Paulus nen wene yagaisugunem esanggo hologo were'ma, at Paulus nen eilenggen oba lurogo hikhi logolik, endawimo nen he, ”Ap ari endawimo nen he, eberogoat fano hilingnabigin, iluk anggikhesik werek higi,” iluk endawimo anggasikhe.

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

IBRANI 4:2

Wene fano wene andi it attak yagaisasikhe andi hagat, nit a'nogo yaganisasikheat. Mene re, wene yagaisasikhe mene andi, it inesanggo holhukwasigat he, futfigi'lek hilingiti lagaukwa andiba, wene andi it faget he, elo'lek agaikhe andi.

1 SAMUEL 1:17

A'nogo yagatikhemo, at Eli nen he, ”Allah afuni Israel mene nineisena a'nogo nen hane esanggo holhimbik haren kino yagaten mene andi wokhesuago. Andi nen he, hendawimo fanorogoat haiba lano,” iluk yagatikhe.