LUKAS 8:24 - Allah Wene Fano Wene Hupla Inane

²⁴ A'nogo hilingitikhemo, it omanogo nen, at Yesus nogo ugunem eluget hikhi logolik he, mel yagatukwa: ”Ninoe-ninoe! Nit arat i logoin yoma,” iluk yagatukwama, at Yesus eluk agaikhesik he, sogoi inom, i ha'labu inom, wenagetikhemo palagaikhesik he, mondok hambuk isikhe.

LUKAS 8:24 ပူးပေါင်းရင်းမြစ်များ

MAZMUR 65:7

Hat homame hokho logolik legaisogo hobagali'lagwi mene a'nogo enek asuageluk, Hat henggi homamerogo o tom mondogat menhigik fesigin.

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

NAHUM 1:4

Aren he i laut agut palogore terenghogo potfisikherek. Yi agai ti agai lagarek mene andoma re Aren enek firitoget fikherek. Tom Karmel inom o Basan lei omanogo inom he lei mondok pirimhogo hilingfikheregat. Nen o Libanon oba owil-owilengge wilibik mene omanogo re mondogat saweret fikherek.

MATIUS 14:30

Lagunem he, sogoi funha wagaikhemo, eilenggen hasikhesik i elema ubukhogo pigin oma nailo e iluk, ane ngai ikhi logolik, ”Eige! Noe! Telnabime o,” ugunem aremnogoat he,

MATIUS 8:25

Nogo ugunem, agoromi era'lu wagaukwasik eluget hikhi logolik he, mel yagatukwa: ”Yesus. Nit ima pugun yi, telninabino,” iluk yagatukwa.

MARKUS 4:39

Yagatukwama, at eluk agaikhesik he, sogoi a'nogo wenagati logolik, ”Habolok legame,” isikhesik, i a'nogoba re, ”Hane legame,” iluk yagatikhemo re, sogoi palagik, i ha'labu mondok hambuk igik, isikhe.

LUKAS 4:35

at Yesus nen wenageti logolik he, ”Hane. Ap yi endawimo nen henogo wulibi lan o,” iluk yagatikhemo re, munggwarengge obabut weak mene a'nogo nen ap a'nogo ebe talorogo afuni hokhorogo omanogo inanggele'ma lakfisasikhesik he, ap ebe weaget figi'lek wulifikhe.

LUKAS 4:39

aren, he a'nogo era'lu lagaikhesik mendek logolik he, ”Ou yi legame o,” iluk, yagatu kwelek aremnogoat he, ou a'nogo lek agaikhe. Lek agaikhemo, he a'nogo menlagaikhesik he, it leberisikhi lagaikhe.

LUKAS 5:5

at Simon en he, ”Noe! Hubanggo pelafu mondok welago mene re, ekhe mondok wanhi'lego. Meneat he, haren yaganetenma andi nen he, an nen ikan su pelabigin aro,” iluk,

LUKAS 8:25

Hambuk isikhemo, at Yesus nen agoromi omanogo mel yagaisasikhe: ”Hinendawinggen noba himbirik welagep mene a'nogo, ka lagama nen ikhi lagep,” iluk, a'nogo yagaisasikhemo it inailo agaukwasik, it-it ikhi logolik he, ”Egi! Ap yi sa anggegep. Sogoi inom, i ha'labu inom, at aneba, legame, ugunem, ane hologo legaga andi nailo e,” iluk fogeratukwa.