LUKAS 7:46 - Allah Wene Fano Wene Hupla Inane

⁴⁶ Nen, haren amusu an nunggul oba ekhe watnobagegen lek meneat he, he yi nek he, amusu amben fano mene neisok oba watnobagaikhe o.

LUKAS 7:46 ပူးပေါင်းရင်းမြစ်များ

2 SAMUEL 12:20

A'nogo yagatukwama, at Daud wengik welagaikhengge a'nogo menlagaikhesik he, kume warogo esi feisalhik, asu laberek mene nonggologo fesikhesik ket mene itik, isikhe. A'nogo hilingitkhesik, eisena Tuhan awi wuri'mo lagaikhesik he eindep awi yagaisogo Allah fogeratikhe. A'nogo hilingi'luk ambotkwe aiba wagaikhesik sumburu wogosuwagaluk yagaisasikhemo, wogetukwama nasikhe.

2 SAMUEL 14:2

andi nen aren he ekhe afe hebelek mene o Tekoa were'ma hondosi loageluk miminginafikhe. Miminghogo lakfisasikhemo re, he a'nogo hondo'luk wagaukwama, Yoab en he a'nogoba ikhi logolik, ”He hat he heranhogo afuni fong watarek mene hakhogo logolik hasu pelagi su laberogo re amusu amben fano mene inebene yugulharek mene omanogo yugulhi'legengge logoino. A'nogo logolik he, hemi inaguni inendawi mondok hundik mene wa'lagunem inenggi aninurogo le agu wela'luk hakhogo logoino.

MAZMUR 104:15

Ninendawimo ninagaiyek hogoluk anggur amusu hilingisogo ninggik, Ninelokhonggen heanerogoluk zaitun amusu hilingisogo ninggik, Ninebe ninomamerogoluk yi mene ti mene yagaisogo ninggik, ikhi logouwageluk Harenat hilingninobagakhi lagen.

MAZMUR 23:5

It an naselei mene ineilhanem en he, Haren nahenengge wo'nafi lagen. Haren ap kain mene afuni inambok wagunem hakhogo hilingnafi lagen. Harenat nagai nunggu mene ele sophogo hinagaisogo wo'neti lagen.

PENGKHOTBAH 9:8

Hit hinebe hineisena Allah nen o kweangma elama faget logouwagaluk hinobagaikhemo logolik set kwil kwalhogo hilingiti logogun mene andi faget hinenggi onggo wanu hak, hinendawimo hinagaiyek hikhi logogun andi aro. Andi nen he, hinagagwi hinendawinggen hundik mene hinom fano hai warogo logoubagaik iluk wokhisasikhemore hundik-handik we elama faget logolik he hinoba heanerogo nek logoino o.

DANIEL 10:3

A'nogo were'ma andem he an nambe nunggu mene enduk fano-fanongge inom, nen einongge inom, anggur agai inom, ninggi'lek nen nesi feisalhi'lek welagi.

AMOS 6:6

Hit he, hinagai anggur enggen amusu mangkok oba ambem hetokhogo hinagaisogo ninggik, hinebene amusu amben fano mene warigik, hilingiti logoligat he, hit Israel mene hinebe weaget hinabigin mene andi faget hinendawimo weak agi'lek welagep andi ri!

MIKHA 6:15

Hiren hinangge gandum awi feik lakfikhi logogun oba nen he enggen palikhi logogun lek. Nen, hinagayo zaitun amusu keralikhi logogun oba nen he, i amusu ebe hit he ninggi logogun lek, nen hiren hinagayo anggur enggen perelikhi logogun oba nen he i anggur amusu andi ebe hit ninggi logogun legat.

MATIUS 6:17

Menere, hit enek he, sumburu ninggi'lek sambanat ugu logouwogeluk halok, afuni nen enegat futhinobagainogo. Hineisena Allah afuni nen ineilenggen hagarek lek mene a'nogo alegaren enegat futhinobagauwageluk hinagap sobalogo re, hinesi feisalogo logolik, samban ikhi logoino o. A'nogo hinagaisogo hilingitep halok he, hineisena Allah afuni ineilenggen hagarek lek mene andi eilenggen hisambik onggo wokhisagain o,” iluk yagaisasikhe.

LUKAS 7:47

A'nogo hilingite andi nen he, an nen hat ekhe yagahesik. At he yi nen weak hokhorogoat hilingiterek meneat he, at endawimo nen he, Yesus nen sebelogo legetfisikhemo, iluk hokhorogo endawitnafe andiba enegat hilinglaga o. It afuni weak endebat hilingiri'lagwi mene, Allah nen sebelogo legetfisugunem we endebat hak inendawiratarego,” iluk yagatikhesik he,

RUT 3:3

Andi nen he, hat hebe kume fanorogo wasimbik amusu amben fano mene hebene watfembik he, hasu fano mene wendeberogo labesin. Labesimbik he, at Boas gandum enggen lologo pelafarek oba andoma ware'ma lambik logoino o. Lambik were'ma, at Boas hat hebe weinam were'ma elu asinogo nen he, at sumburu inom, i inom, nunggu kwelek nenangot hikhi logolik hebe hinagaiso logoino o.