LUKAS 6:49 - Allah Wene Fano Wene Hupla Inane

⁴⁹ A'nogo meneat he, sa nen an nane holhi logoligat he, higithogo hilingiri'logo lek halok he, ap ekhe o wusigeluk o tik kweang oba figi'lek wutikhemo, i fu hokho waga logolik o a'nogo sanokhogo ane ku ugu kwelek waluk lagaikhe andi hangge aro,” iluk yagaisasikhe.

LUKAS 6:49 ပူးပေါင်းရင်းမြစ်များ

AMSAL 28:18

Ap weak ekhe hilingiti'lek logogun mene andi re hobuk inagap telek logogun. Ap ineluk logolik weak enek hilingirik nikharek mene andoma re hobuk pule pugun.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

HOSEA 4:14

Oba nen he, An nen, it hilingiri'lagwi mene andoma faget unggum wogisagain lego, andi re, hit oba nen ogo re, laluk, it uang herati logolik pailak hilingiri'lagwi mene omanogo inambit kembu awi wurikwe andoma yabu hilingitunem hinom hambenan hilingisi laga lagep. A'nogo hilingiti logolik hiren it hinom seberogo fugungge omanogo kembu dewa faget nologo fogerati lagep. A'nogo hilingiti lagep mene andoma faget wene aben ikhi logolik: ’Afuni inunggulenu Allah ebe werek mene faget wenggelhi'legengge hilingitarek mene andoma re ibi-eberogo nen he it inebe alomat lakhogoin o,’ iluk agarek.

MATIUS 23:3

iren yi mene ti mene hilingisuageluk yagahisugu halok he, andiat fisogo logolik hilingiti logoino o. Meneat he, it hilingiti'lek logolik, iren he, ”Hit enek hilingi'ni,” iluk yagahisili'lagwi andi re, it hilingiri'lagwi andi hak inobabut waganogo hilingiti logogup.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.

MARKUS 4:17

A'nogo weak-weagat wanharek meneat he, wene andi inendawinggenma omanggen yati'legen endebat were'ma nen, afuni ekhe nen Allah ane andi faget, yi enggin ti enggin inoba figik, weagerinafik, ugunem he, inendawimo fageat pugagaikharesik he, wene andi herakfisaluk wulifarek andi aro.

LUKAS 12:47

Ap amingmingengge mene ekhe endawimo nen he, an noe nen, yi'nogo hilingisogo nobagailep, iluk endawimo anggikherek mene elu logoligat he, hilingisogo fisigi'lek logogin halok he, ap andi yei ou werek wasi wesigin o.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

LUKAS 7:1

At Yesus nen afuni hokhorogo omanogo ineilhanem wene a'nogo mondogat yagaisasikhesik he, o Kapernaum kwi wagaikhe.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

KISAH PARA RASUL 20:29

Mene re, mene olo mene aik anini weak mene nen wam herakfigi'lek mondok ninggerek andi hak, an nebe lamo nen, it ekhe nen Allah againafuri hiren kwelaginarek welagep mene andi weagerinabi kwi wesugun mene werego, iluk an nelu.

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

1 TESALONIKA 3:5

Andi nenat he, at Iblis ninendawimo kagalherek mene a'nogo nen hinendawimo kagali wesumo, niren hit faget set kwalogo hilingiti lagagu a'nogo tulemat alomat lasigin andi nabire, iluk nendawinggen firogo logolik, nendawimo sebeligin elo'lek agama re: ”Inendawinggen Kristus oba himbirigat werega? Lega,” iluk at Timotius nen hinobabut palimbik he yaganesi wesuageluk, hinoba lakfei wagi andi.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.