LUKAS 6:45 - Allah Wene Fano Wene Hupla Inane

⁴⁵ Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

LUKAS 6:45 ပူးပေါင်းရင်းမြစ်များ

MAZMUR 140:5

Tuhan neisena, it afuni inobaharo weak logolik, inomameba nek hilingitarek mene andoma inoba nen hawea'ma nobagaluk fetnarek logoin o, it ap inaniniba an weaget nobagaluk sebelogo nobagagun iluk hilingiri'lagwi mene andoma inoba nen kagalnarek logoin o.

MAZMUR 59:12

It afuni an nunggulenu mene nen inonggot asinogo re, Tuhan neisena, Haren mondogat inoasu fugo. Tuhan Hat hawe a'ma fetninarek welagen mene neisena, it andi re Hat homameba mebenet fisaluk inebe telfol isan o.

MAZMUR 59:7

O hu'mo asi lagunem he it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

AMSAL 12:18

Ap inane we yugunat agarek oba re weim en semele kuluthugunem hak afuni inendawimo wat fisagarek, inane fano mene agarek andi re obat ou inoba were'ma fanorinaferek higit werek.

AMSAL 15:23

Inane uogeluk aremnogoat higithogo agarek oba re, inagaiyek mene asi wagarek.

AMSAL 4:23

Hendawinggen andi nen kwe fanorogo lagaikharekwe yagaheti logogin enggere, hendawinggen andire fanorogo halikhi logoino.

YOHANES 7:38

Nen, ap sa nen endawinggen an noba eberogoat himbiret fikhe halok he i inelugerinaferek mene at endawimo nen elesi fuluk-fuluk palogo wulifi logogin o, iluk Allah ane lisu palek oba isukwa hagat hilinglasigin o.”

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

EFESUS 5:19

Hit-hit wene hinane mati logolik, Allah wuniba inom, Allah fogeratu awuniba inom, Mazmur Daud en felalogo wati lagikhe awuniba inom, hinendawinggen oba nenat hinagaiyegeti logolik Tuhan fogerati logoino.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

KOLOSE 4:6

Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.

IBRANI 8:10

Hobuk afuni Israel mene wene ket mene warogo woginabigin iluk igi andi, ebe yiaro: An nen wene komorinafirek wene andi inendawimo eberek mondok logouwageluk wogisigik, inendawinggenma lisu palogo fisigik, iluk he, an it ineisena logogin. Nen, it an nagainafuriat logogun o.

YUDAS 1:15

Pi wesimbik he, afuni mondogat wene inoba figik, kotik, ikhi logolik he, it afuni Allah ebe inabit mene halok inebe mondogat wene inoba fagain o. It Allah ebe inabit logolik, yi weak ti weak hilingiri'lagwi mene lombok wene inoba figik, Allah inabiren weak hilingiti logolik inane puk weak at abok weak pali'lagwi mene andi inebe lombok wene inoba figik, igin o,” iluk isikhe.