LUKAS 6:30 - Allah Wene Fano Wene Hupla Inane

³⁰ It ekhe nen, hit mene wo'nisani o, iluk kino yagahisugu halok he, inebe lombok wogisikhi logoino. Nen, iren hit hinagarek mene wanhu halok he, hobuk, wo'nisani iluk kino yagaisagubo.

LUKAS 6:30 ပူးပေါင်းရင်းမြစ်များ

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

AMSAL 21:26

Linggene hundik-handik he at endawimo amolo anggikherek mene omanogo faget wenggelhu mondok welagarek. Hebekhogo re, ap higithogo hilingiterek mene nen he angge yi mene ti mene palfigi'lek wogisikherek.

AMSAL 22:9

Ap obabut fano endawinggen lebeksek mene andi re Tuhan nen fanot fikhi logogin, andi re Tuhan nen wogeterek mene omanogo aren afuni inenggi lek mene sumburisikhi logogin andiba hilingfikhi logogin.

PENGKHOTBAH 11:2

Hobuk hit weak mene hinoba asigin hinonggot andi nen he, hinangge yi mene ti mene minggilhigik, amu-amu awingge wogisugunem awi yatarek andi hak fakhaluk inomamerogo hilingiti logoino o.

PENGKHOTBAH 8:16

Andi nen he yi'nogo ti'nogo kweangma yoma agarek mene andoma futfugu aple faget hebelek mene wo'nesuageluk hilingitik, nen o kweangma yoma ina'mageba hilingiri'lagwi mene andoma futfigik, hilingisigin iluk ugunem he an nen futfigi mene re, niren set warigi'legengge hup hundik lingge hundik yi mene ti mene hilingitu mondok welagorek,

MATIUS 18:35

Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

MATIUS 5:39

A'nogo meneat he, an nen wene ekhe yi yagahisak. Weagethinafa halok onggo fugubo. Hinelokhonggen ebekwe lambukhogo hinoatu halok he, harekwe inomat hoasuageluk, wogisano aro.

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

LUKAS 12:33

Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.

LUKAS 18:22

at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,

LUKAS 6:29

It ekhe nen hinelokhonggen fena lambukhogo hinoatu halok he, fena inomat hinoasuageluk wogisano o. Nen, it ekhe nen hinasu sogoi su mene andi helugu halok he, hinasu eilemkwe mene andi inomat heloagen he, elele wanhubo.

LUKAS 6:31

Hit hinendawimo nen he, it ekhe nen yi'nogo hilingninabilebe! iluk anggikhi lagep andi hagat hiren it andi a'nogoat hilinginafi logoino o.

LUKAS 6:38

Hiren hinangge yi mene ti mene it ekhe wogisegep halok he, Allah nen hirogo a'nogoat hesanggeat wokhisagain aro. Nen, ilirengge waruk elema kwelagaisogo ambem peterogo kwalhunem, yamukhogo pelakfuluk hobuk oba loukhogo peterogo ekhe pulelogo pugu kwelek wogisikhi lagep andi hak, Allah nen a'nogoat hokhorogo wokhisagain o. Hiren ilirengge walhalugen wogisikhi lagep andi hak, Allah nen ilirengge andibaat walhogo wokhisagain o,” iluk, yagaisasikhe.

KISAH PARA RASUL 20:35

Wene ninoe Tuhan Yesus onggwaregen mel yaganisasikhe andi: It afuni ekhe nen wokhisugunem helaluk hinendawimo agaiyek hakhogoin elo'lego. We, athe, hit hinonggwaregen it ekhe wogisikhi logolik hinendawimo agaiyek hakhogoin o, iluk yaganisasikhe andi ninendawimo eberek logolik he, an nen it ekhe inomame lek mene leberisikhi lagi andi, hiren futnobagambik an nobabut waganogo hinenggi omamerogo leberisikhi logobagaigeluk hinelurogo hilingiti lagi andi,” iluk yagaisasikhe.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.