LUKAS 6:26 - Allah Wene Fano Wene Hupla Inane

²⁶ It ap yoma inambulagen he, it ap ekhe Allah ane yagaisagarek mene hangge lalinafu kwelegat fogerinafi lagaukwa hak, afuni mondogaren fogethinafu halok he, weagethinabigin o,” iluk yagaisasikhe.

LUKAS 6:26 ပူးပေါင်းရင်းမြစ်များ

AMSAL 27:21

Emas inom perak inom andi endu oba nen obabut palharek, oba nen afuni re inobabut hilingituba agaugwerinafi logolik andiba inelu agarek.

YESAYA 30:10

Iren ap nabi inoba ikhi logolik he, ”Hinambe te'me'ni! Hiren nit ninoba wene eberogo wene andoma yaganisa fuk, oba nen he niren ninamolo anggogorek mene andoma nek holhi logogun. Nit he we yugunat mene ebeti logouwogen he herak ninobagani o.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

MIKHA 2:11

Hit hinobabut he, ap nabi mene healuk ineranhogo wene lalhinafi logolik, hobuk anggur agai inom, i amusu ekhe nunggunem lugulugwirinaferek mene inom, hokho-pokhorogo ninggi logogun iluk yagahisugu mene andoma hinamolo nen ikhi lagep andi,” iluk yagaisasikhe.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

LUKAS 6:25

Nen, hit ekhe yogondak elama faget enek hinalabut ninghogo ninggi lagep mene halok, weagethinafunem hobuk nongakhogoin o. Nen, hit yogondak elama faget enek endo aga lagep mene halok, weaget hinafunem hinendawinggen warikhi logolik le asugun aro.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.