LUKAS 6:25 - Allah Wene Fano Wene Hupla Inane

²⁵ Nen, hit ekhe yogondak elama faget enek hinalabut ninghogo ninggi lagep mene halok, weagethinafunem hobuk nongakhogoin o. Nen, hit yogondak elama faget enek endo aga lagep mene halok, weaget hinafunem hinendawinggen warikhi logolik le asugun aro.

LUKAS 6:25 ပူးပေါင်းရင်းမြစ်များ

MAZMUR 49:19

Ap ekhe ebe eluk logolik yi mene ti mene saburikhe halok onggwaregen fogerakhigik, it ekhe nen ogo fogeratik,

AMSAL 14:13

Endo agaikharek mene andi hebekhogo re inendawimo le pikherek, nen inagaiyekhogo welagaikharek mene andi ambisangma inendawinggen heiselherek.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

PENGKHOTBAH 2:2

Andi nen an nelu aga logolik endo agaikharek andi re moruerogo, nen inagaiyegetarek andi ogore furek legengge hilingi'mo hasigi.

PENGKHOTBAH 7:3

Endo agaikharek andi re harek hak oba nen, inendawimo weak agarek mene andi nek he mondok fano. Inelokhe heiselogo logolik oba nen inendawimo heanerogo logogun andi fano.

PENGKHOTBAH 7:6

Engga alok alogengge endu nen lei nilik lei ane selelem-selelem ninggerek hak, ap kembu mene nen endo agaikharek andi re we alomarogo hangge.

YESAYA 28:7

It ap nabi inom, imam inom ogore anggur agai inom, ara agai inom hokhorogo nunggunem he lugu-lugwi palhu werek. Iren wenggelharek mene omanogo re nonghong enek ugu nen he ebekwe leil warik laga logolik talo-talonggerik lili'lagwi. It ap Allah ane yagaisagarek mene andi re wene Allah nen yagaisikherek mene omanogo fut figi'lek hilingitu werek It ap imam omanogo nen he wene piling nisani iluk it inambit waluk kwagarek mene omanogo re higithogo tegeri'lagwi lek.

YESAYA 65:13

Ibi-eberogo nen he it ap An namingmingengge An fogetnafarek mene re inamburu nunggu kwelek hit he hinamburu nelerogo logogun. Nen it he inagaiyekhogo nek hilingitu kwelek hit he hinenggalirogo logogun.

YESAYA 8:21

Afuni ekhe yi enggin ti enggin inoba agik, sumburu nele agik, hilingisugun mene andi re o kweang andomaba ya lagik ta lagik, hilingiti logolik logogun. It a'nogo hilingiti logolik inamburu nele nen ina'makwe het periluk he inoe raja oba inom it ineisena Allah oba inom homan fisikhi logogun. A'nogo hilingiti logolik he ineil nayo hayo yi kwe ti kwe kumuthigik,

YESAYA 9:20

Ap Manasye mene inom, Efraim mene inom he inebe wat-wat laga logolik he, it inebe misik sebe'luk Yehuda mene inoasugun iluk hilingiri'lagwi. Oba nen he, Tuhan a'mage oan lagagun he eberogo nen unggum inoba fisagain aro,” iluk isikhe.

AMOS 8:10

An nen hit hinebe misi'mo andoget fuluk, pesta hilingiti lagep mene andi afuni ware'ma fong watarek andi hak wasubagaik iluk hilinghinafik, wuni wati lagep mene andi le asubagaigen iluk hilinghinafik, hinendawimo weak a'luk welagep mene andi enegat asuagaluk hilinghinafik, hinesi hogologo palubagaigeluk hilinghinafik, hinasu karung mene labesubagaigeluk hilinghinafik, igin o. A'nogo hilinghinabumo, hit hinebe ap ekhe agwe emberek omalik manggusa takhogoin mene wa'lagunem le agaikharek andi hak le hokhorogo asugun o. Andi sambul fano mene ekhe higi'lek weak mondok hikhi logogun,” iluk ikhe.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

LUKAS 13:28

A'nogo yagahisamo, hit enda'ma logolik, ap Abraham inom, Ishak inom, Yakub inom, ap fena Allah ane yagaisikhi lagaukwa mene omanogo inom, Allah awe a'ma fanoma andoma were'ma, hineilenggen kwelagisogoin o. Nen, hit enek he, kwe yagarogo wulakhinobagaumo enda'ma andoma logolik, hinaik himbirogo li ago le ago ikho mondok logogun o.

LUKAS 6:24

A'nogo meneat he, hit ap kain hineilmo werek mene halok enek he, hinangge hokhorogo werek andi nen he, hinendawimo hinagaiyek hikhi lagep mene, hobuk weagethinabigin o.

LUKAS 6:26

It ap yoma inambulagen he, it ap ekhe Allah ane yagaisagarek mene hangge lalinafu kwelegat fogerinafi lagaukwa hak, afuni mondogaren fogethinafu halok he, weagethinabigin o,” iluk yagaisasikhe.

LUKAS 8:53

iren he, helenggerek andi arat wa'laga iluk inelumo andi nen he, Yesus faget endo hokhorogo yatukwa.

EFESUS 5:4

Pailak fakfisagarek mene abok igik, wene inendawinggen lek agarek mene igik, inenggalimo mene faget asegen abok igik, u lek mene andi igi'legat, Allah at hai watu mondok logoino o.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

YAKOBUS 4:9

Hinendawimo weak a'luk, li le aga logoino o. A'nogo le aga logolik he, endo aga lagep mene andi, le agik, Nen, hinendawimo hinagaiyek hikhi lagep mene andi, hinendawimo weak a'luk welagik ikhi logoino o.

WAHYU 3:17

Hit he, hinelagaigat, hineilenggen mumat, hinalfulukwaat, logoligat he, nit ninebe inendawi hak mondok weagat welago, iluk futfigi'lek, hiren ikhi logolik: Nit he, ninebe ninonggwaregen kainet fakhogosik, yi mene ti mene ninelagaik agi'lek, nineilmo werek welago, iluk ikhi lagep andi.

1 SAMUEL 2:5

Attagat afuni inamburu oba heilarogo ninggi logolik, inalabut ninghogo ninggi lagaikha meneat he, yogondak sumburu legen helouwogeluk, inenggi onggo wogisoageluk hilingiri'lagwi o. Mene re, afuni attagat sumburu nele welagaikha meneat he, yogondak inamburu elok weregen inalabut ninghogo nili'lagwi o. He ekhe attak abili welaga mene yogondak eagwi inebe 7 nen taginafesik endawimo agaiyek hili'lago meneat he, at he ekhe eagwi inebe hokhorogot taginafe mene andi maben agasik werego,” iluk isikhesik,