LUKAS 6:17 - Allah Wene Fano Wene Hupla Inane

¹⁷ At Yesus a'nogo agoromi wenagaisogo fisasikhesik, inom tom oba nen pi wagaukwasik he, kweang tonggwe fanoma andoma kamo isukwasik were'ma, at agoromi ane wanhi lagaukwa mene omanogo fena inebe hokhorogoat inom, afuni mondok hokhorogo o Yudea tonggwe mene inom, o Yerusalem mene inom, o Tirus Sidon i laut aik oba welagaikharek mene inom,

LUKAS 6:17 ပူးပေါင်းရင်းမြစ်များ

MAZMUR 103:3

An nen yi weak ti weak hilingitirek mene re, Arenat sebelogo leget fisikherek. Nen yi ou ti ou noba mene re, Arenat korogo wokhikherek.

MATIUS 11:21

”Hit afuni o Korazim mene inom, o Betsaida mene inom, eige! Nendawilage. Afuni nen hilingisu lek mene an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene heang fuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!

MATIUS 12:15

Weim abok a'nogo ugunem, at Yesus nen inobabut enegat futfisasikhesik he, o andoma nen lagunem afuni inebe hokhorogo, at ombo'ne lagaukwa. Lagaukwama re, ou weak mene mondogat higirinafikhesik he,

MATIUS 14:14

It attagat lagaukwasik were'ma, at Yesus e so warogo laga lagaikhesik inoba wulifikhesik he, eilenggen yerisaluk endawirafikhesik it ekhe ou weak mene nek higirinafikhe.

MATIUS 15:21

At Yesus nen wene a'nogo yagaisasikhesik he, o andoma hebisaluk o Tirus Sidon andoma lagai wagaikhe.

MATIUS 5:1

Afuni hokhorogo wagunem, Yesus eilenggen yerisasikhesik he, punuba lagasikhesik hurek were'ma, it at ane wanhi lagaukwa mene oba wagaukwa.

LUKAS 5:15

Komorogo lakfesikhe meneat he, ap a'nogo lagaikhesik he, Yesus nen hilingitikhe mene omanogo mondok piling-palanghogo yagaisasikhemo re, afuni hokhorogo at ane holhukwasik he, it yi ou ti ou inoba werek mene higirinabuageluk he, Yesus oba mondok hokhorogo andogosi waga lagaukwa.

LUKAS 6:12

Andi sambul he, at Yesus samban igeluk tom oba lagasikhe. Lagasikhesik hubanggo Allah ayonggo fugu mondok were'ma, o arat wei isikhe.

LUKAS 6:16

Yakobus amlogo Yudas inom, Yudas Iskariot Yesus wasuageluk hobuk yonggo lagain mene a'nogo inom, inebe andem wenagaisogo fisasikhe.

LUKAS 6:18

iren at Yesus ane holhik, aren it ou weak mene higirinafik, uageluk he, oba andogosi wagaukwa. A'nogo andogosi wagaukwama, munggwarengge obabut weak mene inendawimo kwisukwasik were'ma inomat fano higirinafikhe.