LUKAS 6:14 - Allah Wene Fano Wene Hupla Inane

¹⁴ Ap wenagaisogo fisasikhe andem inenu re, Simon enu ekhe Petrus salhikhe mene a'nogo inom, agot enu Andreas inom, Yakobus inom, Yohanes inom, Filipus inom, Bartolomeus inom,

LUKAS 6:14 ပူးပေါင်းရင်းမြစ်များ

MATIUS 10:2

Ap inebe 12 nen andi inenu yi: attak he, Simon enu ekhe Petrus ikhi lagaukwa mene a'nogo agot Andreas inom, Zebedeus amlogo Yakobus a'nogo agot Yohanes inom,

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

MATIUS 4:18

At Yesus i Galilea yenggele'ma esanggokwe laga logolik he, ap inebe pire, Simon enu ekhe Petrus ikhi lago a'nogo agot Andreas emberek hundik-handik ikan at wanhi lagaukwa andi nen he, andi sambul ikan wanuogeluk, su ikan su ima pelafunem eilenggen yerisasikhe.

MATIUS 4:21

Lagaukwama, at Yesus eilenggen yethasikhe hak he, ap inebe pire Zebedeus againafuri Yakobus agot Yohanes emberek ineisena inom, e so elema logolik, su ikan wanharek mene seleben etunem yerisasikhesik he, wolisasikhe.

MARKUS 1:19

Ombo'ne lagaukwama horogat lagaukwasik he, Yesus eilenggen yethasikhe hak he, ap Zebedeus againafuri Yakobus agot Yohanes emberek inom e so elema logolik inasu ikan su tegelhunem eilenggen yerisasikhe.

MARKUS 1:29

At Yesus inom, Yakobus Yohanes emberek inom, agoromi ekhe inom, o afuni Yahudi mene samban agarek oba nen wulibi wagaukwasik he, Simon inom, Andreas inom, inaiba lagaukwa.

MARKUS 14:33

A'nogo yagaisasikhesik he, Petrus inom, Yakobus inom, Yohanes inom, woginarek lagunem he, at Yesus endawinggen heiselhikhesik, endawi firogo logolik he,

MARKUS 3:16

Inebe 12 nen menfisasikhe mene omanogo, inenu yi: Simon enu ekhe Petrus salhikhe mene a'nogo inom,

MARKUS 5:37

Lagaukwasik, afuni inebe hokhorogoat yagaisikhi logolik, ”Ninombo'ne wesugun lek. We, it Petrus inom, Yohanes agot Yakobus emberek inom enek ninom logoin o,” iluk inom lagaukwa.

MARKUS 9:2

At Yesus nen wene a'nogo yagaisasikhesik he, nogo inenggi 6 en iluk he, Petrus inom, Yakobus inom, Yohanes inom, inalegat woginarek tom uan ekheba lagasikhe. Lagasikhesik were'ma, at ebe it ineilhanem hunogoat hilinglagik,

LUKAS 5:10

Andi hak, at Simon agaila'lak inom hundik mene Zebedeus againafuri Yakobus Yohanes emberek, a'nogoat inailo agaikhemo re, at Yesus nen Simon mel yagatikhe: ”Hailo agun o. Ikan wanhi lagen andi hak huli yogondagen he, afuni woginabik nikhi logogin o,” iluk yagatikhe.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

LUKAS 6:13

O wei isikhemo re, at agoromi ane wanhi lagaukwa mene omanogo wolisasikhemo wagaukwama re, it mene inebe 12 nen wenagaisogo fisasikhesik he, ”Hinebe lakhinobagagin,” iluk menfisasikhe.

LUKAS 6:15

Matius inom, Tomas inom, Alfeus amlogo Yakobus inom, Simon, ”O yoma ninawi werek mene nek logogun,” iluk ikhi lagaikhe mene a'nogo inom,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 14:8

at Filipus nen he, mel yagatikhe: ”Noe. Nineilenggen haluk ninendawinggen hambukhogo logouwageluk, hat heisena andi ebe yaganisan o,” iluk yagatikhemo,

YOHANES 6:5

A'nogo hu'lagaukwasik, at Yesus eilenggen yerisasikhe re, afuni hokhorogo esa fologo andogosi wagunem eilenggen yerisaluk, Filipus mel yagatikhe: ”Filipus. Afuni hokhorogo aroma sumburu noagen, o koma mene onggo palisouwok he,” iluk yagatikhe.

YOHANES 6:8

at Yesus agoromi ane wanhi lagaukwa mene ekhe enu Andreas, Simon enu ekhe Petrus agarek a'nogo agoren he, mel yagatikhe:

KISAH PARA RASUL 1:13

Kwi wagaukwasik, oloba andoma kwisukwasik he, o henambo welagaukwaba andomaat lagasukwasik welagaukwa. It andi inebe re, Petrus inom, Yohanes inom, Yakobus inom, Andreas inom, Pilipus Tomas emberek inom, Bartolomeus Matius emberek inom, Alfeus amlogo Yakobus andi inom, Simon, ”O yoma ninawiwerek mene nek logogun,” iluk ikhi lagaikhe mene andi inom, Yakobus amlogo Yudas andi inom, inom welagaukwa.

KISAH PARA RASUL 12:2

A'nogo isikhesik, at Yohanes oe Yakobus wasuageluk agoromi yagaisasikhemo karok oba ebe mondok watukwa.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.