LUKAS 6:1 - Allah Wene Fano Wene Hupla Inane

¹ Afuni Yahudi mene inenggi sabit oba Allah faget weat welagaikharek a'nogoba ekhe sambul he, at Yesus agoromi ane wanhi lagaukwa mene omanogo inom, gandum yagokwe laga logolik he, gandum enggen palogo inenggi nen wulil tagalogo nilik-nilik lagaukwa.

LUKAS 6:1 ပူးပေါင်းရင်းမြစ်များ

KELUARAN 12:15

Nineisena Tuhan nen a'nogo yagaisasikhesik, ekhe mel yagaisasikhe: ”Hinenggi 7 nen logolik, sumburu roti enggen fitungge mene inom werago mene halok nagubo. Hinenggi 7 nen andiba logolik, afuni ekhe nen sumburu roti enggen fitungge mene andi inom werago mene nogoin halok, it inebe An nagainafuri, iluk igin mondok lek andi nen he, hinenggi 7 nen andi mene ninggi logouwogeluk he, hinenggi attak meneba logolik, hit hinaiba enggen sumburu roti fitungge mene andi ekhe werek halok, felelenghogo wulak fisogoin o.

IMAMAT 23:15

A'nogo yagatikhesik, ekhe mel yagatikhe: ”Hinenggi An faget weat logolik he, gandum enggen attak palugun mene hele yelogo An hineisena Tuhan faget nobagambik he, hinenggi 7 minggu higithogo wenati logogun.

IMAMAT 23:7

Hinenggi 7 nen pelabek andem oba logolik, hiren sumburu inom yi mene ti mene inom An Tuhan nobaget fuluk nolneti logogun o. Nen hinenggi attak erorasugun sambul andi inom, nen hinenggi obokhogo 7 sambul andi inom, halok he An hineisena Tuhan nobaget hilingiti logolik, hinenggingge hokhorogo wanugun mondok lego.

LUKAS 5:39

Nen, it afuni nen he, Anggur enggen amusu attagat mene enduk fano ninggirek, iluk agaresik he, hobuk ket mene na inabiro,” iluk yagaisasikhe.

LUKAS 6:6

Nen, inenggi sabit oba ekhe sambul, it Allah faget weat werek kwelek, at Yesus o afuni Yahudi mene samban agarek oba ekhe kwisikhesik he, wene yagaisasikhe. Yagaisugunem ap ekhe enggi ebekwe warek mene andoma welagaikhe.

ULANGAN 16:9

A'nogo yagaisasikhesik wene ekhe yagaisikhi logolik, ”Hit hinenggi attak gandum Enggen Palugun sambul andi nen hundik hinenggi minggu sabiren wena'no.

ULANGAN 23:25

Hit ambi it hinagaila'lagen inangge gandum erokwe laga logolik halok he, hiren enggen hinenggi nen palugun mene andoma nogoin fanoba nen he, karok sabit oba halok he palugun mondok lego.” Iluk yagaisasikhe.