LUKAS 5:7 - Allah Wene Fano Wene Hupla Inane

⁷ A'nogo hilinglagaikhemo, it inagaila'lak e so hunogoat mene elema welagaukwa mene nen leberisa wesuageluk, inenggi lamok wolisasukwa. A'nogo wolisasukwama, it a'nogo wagaukwasik he, ikan omanogo tindelogo re, e so ekhe elema kwalhik, ekhe elema kwalhik, e so pireat ambem peterogo kwalik lagaukwa meneat he, ikan engginsek he, e so i elonggoma wula'lakhogo pigeluk isikhe.

LUKAS 5:7 ပူးပေါင်းရင်းမြစ်များ

KELUARAN 23:5

It hinom minggilik mene inanggo keledai ebe enggin nen tam-tamsek logolik werek halok he, hiren legeisogo feino, herakfisa fuk.

AMSAL 18:24

It ekhe re inagaila'lak inom higithogo hilingiti'lek weagarinafarek mene werek, oba nen it ekhe re inagaila'lak inamep mene higit inendawinggen hundik hilingitarek mene werek.

MARKUS 4:36

iren he, e so Yesus welagaikheba a'nogo were'ma oba kwisukwasik he, afuni hokhorogo omanogo andoma fisaluk, at ebe waluk wulifukwa. It wulifu kwelek he, afuni ekhe r so ekheba ambine wulifukwaat.

LUKAS 5:6

a'nogo yagatikhesik pelakfesukwa hak he, ikan mondok hokhorogo elonggoma kwalagaikhemo inasu a'nogo tilibu hak hilinglagaikhe.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

KISAH PARA RASUL 11:25

A'nogo hilinglagu kwelek he, at Barnabas hobuk Saulus herarik, o Tarsus lagaikhe.

GALATIA 6:2

Hit-hit hinoba enggin werek halok, hinebe lombok ekhe nen ekhe lebet-lebet hilingiti logoino o. A'nogo hilingiti logogun andiba nen, wene Kristus nen komorogo yaganisasikhe wene a'nogoat higithogo hilingiti logogun andi.

FILIPI 4:3

Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.