LUKAS 5:38 - Allah Wene Fano Wene Hupla Inane

³⁸ Halok he, anggur enggen amusu ket mene halok he, iwak ket meneat elema hinasugun fano o.

LUKAS 5:38 ပူးပေါင်းရင်းမြစ်များ

YEHEZKIEL 36:26

A'nogo sobalhinabimbik An nen hinendawinggen ket mene wokhisigik, wenggelhu mene ket mene woghisigik, igin. Nen hinendwinggen helep hak omamerek welagep mene andoma re An nen agamhogo hinendawinggen fano sakhorek mene wokhisagain.

MATIUS 9:17

Andi hangge, afuni nen anggur enggen perelogo amusu ket mene iwak wam agap mene fageat hilingitarek mene elema hinatarek lek. A'nogo hinatu halok he, iwak andi yenggalaga logolik he, anggur enggen amusu andi kweisalogo alomat lagik, iwak andi halokhogo alomat lagik, inogoluk he, anggur enggen amusu ket mene halok he, iwak ket fano hilingitarek mene halogat elema hinasugun o. A'nogo hinasumo re, pireat fano logogun,” iluk yagaisasikhe.

LUKAS 5:37

Andi hak, afuni nen anggur enggen perelogo amusu ket mene iwak wam agap mene endamat hilingik mene elema hinatarek lek. A'nogo hinasugun halok, amusu ket mene andi nen he, supukhogo yenggalogo enggen amusu ebe kweisalaga logolik, iwak andi inomat yenggalasigin o.

LUKAS 5:39

Nen, it afuni nen he, Anggur enggen amusu attagat mene enduk fano ninggirek, iluk agaresik he, hobuk ket mene na inabiro,” iluk yagaisasikhe.

2 KORINTUS 5:17

Afuni inebe Kristus inom hundik werek halok he, inobabut ket mene elalinafemo werego. Attak mene legat aga. Hobuk ket mene hilinglaga.

GALATIA 2:4

A'nogo meneat he, it ekhe meneat he, ninagaila'lak Allah againafuri mene hak hilinglagaukwasik hinagaisogo kwi wagaukwasik he, agap enggalimo mene paluageluk isukwaat. A'nogo hinagaisogo kwi wagaukwasik he, nit Kristus ninom misigat a'luk ninale'ma logolik ninobabut hilingitorek mene andi, iren he, ”Ero ninggi'nogo nen hilingiri'lagwi,” iluk ero herasuogeluk kwi wagaukwa andi. A'nogo herakfuluk inawe a'ma ninobagasukwasik it hilingitarek mene andi hilingiti logouwageluk ineilenggen nisa kwi wagaukwa andi.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.