LUKAS 5:17 - Allah Wene Fano Wene Hupla Inane

¹⁷ Inenggi ekhe sambul he, at Yesus wene yagaisugu were'ma, it ap Farisi mene inom, Allah ane lisu palek mene yagaisikhi lagaukwa mene inom, inawi o Galilea nen, Yudea nen, o kota Yerusalem en, oba wagaukwasik inesanggo hologo hurek were'ma, nineisena Tuhan Allah nen afuni ou weak mene Yesus nen higirinafi logouwageluk omame wogetu kwelek fano higirinafi lagaikhe.

LUKAS 5:17 ပူးပေါင်းရင်းမြစ်များ

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 15:1

A'nogo hilingitu were'ma, it ap Farisi mene fena inom, it ap Allah ane lisu palek inelu mene fena inom, o Yerusalem en Yesus oba wagaukwasik he, wene yi'nogo yagatukwa:

MARKUS 1:45

A'nogo yagatikhe meneat he, at a'nogo nen afuni hesanggeat yagaisikhi logolik he: ”Yi'nogo higitnafe o,” iluk abok fano wialarik lagaikhe andi nen he, at Yesus o kota yi awi ti awi andoma kwilik ebe weinamhogo nikhi logogin elok legagaikhemo re, leimo afuni le'ma lagaikhesik welagaikhe. A'nogo welagaikhe meneat he, afuni o yi awi ti awi andoma nen oba andogosi waga lagaukwa.

MARKUS 16:18

A'nogo ikhi logolik, kisu afuni inoaterek mene inenggimo wanhik, it inebe wa'lasuageluk afuni wa'lagaikharek mene iwak elema kwelagaisogo wogisugunem ninggik, ugun meneat he, andi nen weagerinafi logogin lego. Nen, afuni ekhe ou wanhunem, iren inenggi fagisamo, se aga logogun aro,” iluk yagaisasikhe.

MARKUS 3:22

It wagu kwelek, it ap Allah ane lisu palek eisewerek mene o Yerusalem en lagai wagaukwasik he, mel isukwa: ”Beelzebul munggwarengge inobabut weak mene inoe kain a'nogo Yesus oba louksek werego. A'nogo were'ma andi nen he, at omameba munggwarengge at agoromi hak inobabut weak mene afuni inendawimo kwikhesik were'ma henegeisogo wulakfisili'logo o,” iluk isukwa.

MARKUS 5:30

A'nogo hilingitu kwelek aremnogo re, at Yesus omame hokho meneba afuni fano higirinabik nikho mene a'nogo omame lek agunem enegat hasikhesik aren ikhe logolik he: ”Sa nen an nasu enggi senhikhe nogo,” iluk, afuni hokhorogo omanogo inoba heinok wogisasikhe.

MARKUS 7:1

Hobuk he, it ap Farisi mene inom, it Allah ane lisu palek eisewerek mene ekhe inom, o Yerusalem en Yesus oba andogosi lagai wagaukwa.

LUKAS 15:2

A'nogo wagaukwa mene re, it ap Farisi mene inom, it ap Allah ane lisu palek inelu mene inom, ineilenggen isaluk he, inane nguluk-habuk ikhi logolik, mel isukwa: ”Ap yi nen afuni weak hilingiri'lagwi mene woginaferesik sumburu inom misi'mo nenggarek andi, nailo e!” iluk isukwama re,

LUKAS 2:46

Pisukwasik, herarik inenggi pire nikhi lagaukwasigen, hobuk inenggi ekheba kwelakhasukwa re, at ebe Allah awi wuri'mo kwisikhesik, it ap Allah ane yagaisagarek mene inom inanggele'ma hurek logolik, it omanogo inane ugunem esanggo holhik, iren ugunem aren onggo igik, heinok wanhik, ugunem heratukwa.

LUKAS 5:21

A'nogo yagatikhemo, it ap Allah ane lisu palek inelu mene inom, it ap Farisi mene inom, inendawimo nen he: ”Nit afuni weak hilingiti lago mene andi, it afuni ekhe nen sebelogo legetfisogoin nogo? We, at Allah alegaren elok sebelogo leget fisikherek meneat he, at yi nen Allah endawimo seramet fikhesik enu weaget fili'logo yi sa anggegep,” iluk inendawimo anggasukwa.

LUKAS 5:30

A'nogo nunggu were'ma, it ap Farisi mene inom, it ap Allah ane lisu palek inelu mene inomenat Yesus agoromi ane wanhi lagaukwa mene omanogo mel yagaisasukwa: ”Hit he, ap uang pemerintah faget kino iluk wanharek mene inom, it ekhe afuni mondogaren inabok weak pali'lagwi mene inom, hinom sumburu misi'mo ninggi lagep andoma nenahalok?” iluk yagaisasukwa.

LUKAS 6:19

Afuni ineleage wulafarek hak, aren omamerogo higirinafunem, it afuni inebe hokhorogoat a'nogo higirinabuageluk, inebe mondogat inenggi fakfouwogeluk walhasukwa.

LUKAS 7:30

A'nogo isukwa meneat he, it ap Farisi mene inom, it ap Allah ane lisu palek yagaisikhi lagaukwa mene inom enek he, Yohanes nen ima pelakfisoageluk lagi'lek logolik, Allah nen a'nogo hilingiti logouwageluk endawimo anggasikhe mene a'nogo inabiren herakfisasukwasik welagaukwa.

LUKAS 8:46

A'nogo yagatikhemo, at Yesus nen he, mel isikhe: ”Lego. Afuni ekhe nen inenggi fa'neagama nen, an nomamerogo elalin higirinafirek a'nogo mene nendawimo nen afuni ekhe inoba lagama enegat higi o,” iluk yagatikhe.

YOHANES 3:10

at Yesus nen he, mel yagatikhe: ”Noe. Hat hebe re, afuni Yahudi mene wene yagaisegendek meneat he, an nen wene yagaheti andi futfegen le'ma higi. I a?

YOHANES 3:21

A'nogo inendawimo anggagarek meneat he, it ekhe inobabut higithogo hilingiri'lagwi mene nek inebe lombok, inendawimo anggikhi logolik he, Allah ninom hundik logolik yi'nogo fano hilingiti lagoma, iluk, weinam asuageluk. an selek mene noba wagaikharego,” iluk yagatikhe.

KISAH PARA RASUL 19:11

At Paulus nen afuni nen hilingisu lek mene elalinat hilinginafi lagaikhe andi, ebe re, Allah nenat hilinginafi lagaikhe.

KISAH PARA RASUL 4:30

Hat homame wo'nisugunem he, honggwarek hamlogo Yesus enuba hat henggibaat afuni ou higirinafik, wene futfouwageluk hilingisu lek mene elalin mene hilinginafik, igin andi, ebe niren higirinafi logouwageluk homame wo'nisan o,” iluk Allah ayonggo fesukwa.

KISAH PARA RASUL 5:34

Inoasuogeluk isukwa meneat he, ap ekhe it Farisi mene inawene fisogo logolik, it inom wene ero pilingiti lagaukwa mene enu Gamaliel. At andi wene Allah nen komotninafikhe wene a'nogo yagaisugunem, afuni mondogaren, ”At fano,” iluk inane agaukhogo yagati lagaukwa mene. At andi menlagaikhesik he, mel yagaisasikhe: ”Ap inenggi hele warek mene yi, elama faget enda'ma logouwagen wulakfisani,” iluk yagaisasikhe.