LUKAS 4:35 - Allah Wene Fano Wene Hupla Inane

³⁵ at Yesus nen wenageti logolik he, ”Hane. Ap yi endawimo nen henogo wulibi lan o,” iluk yagatikhemo re, munggwarengge obabut weak mene a'nogo nen ap a'nogo ebe talorogo afuni hokhorogo omanogo inanggele'ma lakfisasikhesik he, ap ebe weaget figi'lek wulifikhe.

LUKAS 4:35 ပူးပေါင်းရင်းမြစ်များ

MAZMUR 50:16

Oba nen he, ap weak hilingiri'lagwi mene inoba re At Tuhan nen ikhi logolik, ”Hiren An Nawene Melalek a'nogo pilingisogo yanggulhik, nen An nagainafuri wene warisasigi mene a'nogo ugu mondok welagik, hilingiti lagep andoma re hiren hilingisuageluk weregen a? Elo'lego.

ZAKHARIA 3:2

A'nogo were'ma malaikat Tuhan a'nogo nen Iblis oba ikhi logolik he, ”Hat Iblis yi re, Tuhan nen unggum wokhesuago! Tuhan o Yerusalem endawi hundik hilingiterek mene andi nenat unggum wokhesuago. Ap yire endu amulok lagagunem endu ambisang lisogo wanharek andi hak werego.” iluk ugunem higi.

MATIUS 17:18

Yenggerek a'nogo waluk wagaukwama munggwarengge obabut weak mene endawimo were'ma Yesus nen wenagetikhemo henegeisogo wulifikhemo re aremnogoat fano agaikhe.

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

MARKUS 1:26

munggwarengge obabut weak mene a'nogo ap a'nogo endawimo nen wilibigeluk ikhi logolik, ap a'nogo oak lei'leiget hikhi logolik ane kwerik wulifikhe.

MARKUS 4:39

Yagatukwama, at eluk agaikhesik he, sogoi a'nogo wenagati logolik, ”Habolok legame,” isikhesik, i a'nogoba re, ”Hane legame,” iluk yagatikhemo re, sogoi palagik, i ha'labu mondok hambuk igik, isikhe.

MARKUS 9:26

munggwarengge obabut weak mene a'nogo ane hokhoat ilik-ilik yenggerek a'nogo endawimo kwisikhesik welagaikhe mene oak lei'leiget hikhi logolik henegeisogo wulifikhemo re, yenggerek a'nogo warek mene hangge hilinglagaikhemo, it afuni hokhorogo omanogo inendawimo nen wa'laga iluk, mel isukwa: ”Ebe wa'laga yi,” isukwa.

LUKAS 11:22

Meneat he, ap ekhe at omame hangge re, lek. Athe, omame mondok hokho mene ap a'nogo aiba kwi wesimbik, ebe mabenet fisaluk, asikhe arige oba himbirik logogin mene omanogo telhi logolik he, agarek yi mene ti mene omanogo mondogat waganogo it ekhe sumburogo wogisagain o.”

LUKAS 4:23

A'nogo fogeratukwama, at Yesus nen he, mel yagaisasikhe: ”Afuni nen, hundik-handigat ikhi logolik, hat hebe ap dokter hangge andoma re, hoba ou andi honggwaregen higiran o, iluk agarek mene, hiren lagokhogo an yaganesugun higi. A'nogo yaganesimbik he, o Kapernaum hilingiti lagen mene holhi lago andi hak he, yogondak honggwarek haiba yoma a'nogoat ekhe hilingisin o, iluk yaganesuogeluk ikhi lagep higi,” iluk a'nogo yagaisasikhesik ekhe mel yagaisasikhe:

LUKAS 4:39

aren, he a'nogo era'lu lagaikhesik mendek logolik he, ”Ou yi legame o,” iluk, yagatu kwelek aremnogoat he, ou a'nogo lek agaikhe. Lek agaikhemo, he a'nogo menlagaikhesik he, it leberisikhi lagaikhe.

LUKAS 4:41

A'nogo higirinafikhemo, it fena inebe hokhorogoat, munggwarengge obabut weak mene inendawimo kwisukwasik welagaukwa mene nen mel yagatukwa: ”Allah amlogo hararo,” iluk inane ngai ilik-ilik wulifukwa meneat he, it inendawimo nen he, ”Kristus Allah nen, telninabuageluk menfuluk lakfei wesigin isikhe a'nogo ebe yi aro,” iluk, inelumo andi nen he, Yesus nen inane legat wulibuageluk wenagisasikhe.

LUKAS 8:24

A'nogo hilingitikhemo, it omanogo nen, at Yesus nogo ugunem eluget hikhi logolik he, mel yagatukwa: ”Ninoe-ninoe! Nit arat i logoin yoma,” iluk yagatukwama, at Yesus eluk agaikhesik he, sogoi inom, i ha'labu inom, wenagetikhemo palagaikhesik he, mondok hambuk isikhe.

LUKAS 9:39

At andi munggwarengge obabut weak mene endawimo kwi wagaresik he, enggi eisok senap kolukhogo hilingiti logolik wesilagap ambelekwe sararuphogo hilingitik, ngai ilik-ilik kweangma talorogo pelafik, ikhi logolik he, yenggerek andi endawimo nen munggwarengge obabut weak mene andi hela wulifi'legat logolik ebe weaget fili'logo.

LUKAS 9:42

Yagatikhemo, yenggerek a'nogo Yesus oba horokhogo waluk wagu kwelek aremnogoat, munggwarengge obabut weak mene a'nogo nen yenggerek a'nogo kweangma talorogo weing lagaikhe. Weing lagunem he, enggi eisok senap koluk isikhe. A'nogo hilingitikhemo, at Yesus nen munggwarengge obabut weak mene a'nogo wenagetikhesik he, yenggerek a'nogo fano higirogo eisena wogetikhe.

WAHYU 12:12

Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.