LUKAS 24:46 - Allah Wene Fano Wene Hupla Inane

⁴⁶ A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek.

LUKAS 24:46 ပူးပေါင်းရင်းမြစ်များ

YESAYA 50:6

Ap an yei noari'lagwi mene andi nambot wogisaluk, nelokhenggen he ap nomboro lit hili'lagwi mene omanogo wogisikhi lagi. Aben li'norogo hilingnobagagik, noba wesibak subet niigik, ugunem he an nelokhe hebekhogo hinakfikhi lagi lek.

MATIUS 26:24

An abat ta'lasi wagagi a'nogo, hilingisigin mene lisu palek werek higithogoat hilingisigin meneat he, at ap nebe noasuageluk yonggo lagain mene andi nek he, Eigo. Mondok weagat asigin o. At ap andi ta'la'lep le'ma re, fanoat logoilep mene,” iluk yagaisasikhemo,

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

LUKAS 24:7

At attak hit hinom o Galilea logolik, mel yagahisasikhe mene a'nogo hinendawimo ebe'ni. Aren he, An abat ta'lasi wagagi a'nogo noasuageluk nebe ap weak mene inenggiba nobagaumo, eba mennobagaluk noasumo, nenggi pire warek logombik he, henaganek meneba re neluk asigin o, iluk yagahisasikhe a'nogo hinendawimo ebe'ni o,” iluk yagaisasukwama,

YOHANES 20:9

At a'nogo eilenggen higi'le'ma re, attak it ekhe nen Allah ane lisu palogo fikhi logolik he, ”At ebe wa'lasimbigen hobuk eluk asigin aro,” iluk isukwama lisu palek werek mene andi it futfigi'lek welagaukwasigen, andi sambul at eilenggen hasikhesik enek he, futfesikhe andi.

KISAH PARA RASUL 17:3

Allah ane lisu palek a'nogoba furogo yagaisikhi logolik, mel yagaisikhi lagaikhe: ”At Kristus Allah nen lakfei wesigin iluk isukwa a'nogo re, yi enggin ti enggin hilik-hilik wa'lasimbigen, eluk asigin, iluk isukwa. It isukwa andi hagat, at Yesus hilingitikhe wene abok yagahisikhi lagi mene yi, hilingisu higithogoat hilingitikhemo. Allah nen lakfei wesigin iluk isukwa andi, ebe re, Yesus andi aro,” iluk yagaisasikhe.

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.