LUKAS 24:41 - Allah Wene Fano Wene Hupla Inane

⁴¹ A'nogo inugisugunem, it omanogo nen, ”Egi!” iluk fogerati logolik, inendawimo inagaiyegen he, eberogoat iluk oan futfigi'lek were'ma, aren it omanogo yagaisikhi logolik, ”Hit sumburu ekhe fegepma a? Lega,” iluk yagaisasikhemo,

LUKAS 24:41 ပူးပေါင်းရင်းမြစ်များ

AYUB 9:16

An nen At yagatunemen, At esanggo holiluk onggo yaganetuba nen ogore, An nen igi mene andi re eberogo At esanggo holhesik iluk nendawimo angga lek hak.

MARKUS 16:11

Lagaikhesik he, mel yagaisasikhe: ”At Yesus he, eluk agasik werego. Ebe arat neilenggen higi,” iluk yagaisasikhemo, inesanggo holhukwa meneat he, eberogoat iluk anggasukwa lek.

MARKUS 16:13

Inombo'ne wagaikhemo re, ineilenggen hasukwasik inambotkwe inagaila'lak fena omanogo yagaisa lagaukwa meneat he, it inendawimo nen eberogoat iluk anggasukwa legat.

MARKUS 16:14

A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.

MARKUS 8:7

Sumburisasukwasik he, ikan magendek mene we, endebat ekhe welagaikhemo, Yesus wogetukwama, Allah hai warogo a'nogo sumburisoageluk yagaisasikhe.

LUKAS 24:11

A'nogo yagaisa lagaukwa meneat he, it omanogo eberogoat iluk inendawimo ebeti'lek. We, ineranen ili'lagwi, iluk anggasukwa meneat he,

LUKAS 24:40

a'nogo yagaisikhi logolik, at enggi eisok omanogo inugisasikhe.

LUKAS 24:42

iren he, ikan werago kurik mene ekhe wogetukwama re,

YOHANES 16:22

Hit a'nogoat, yogondak hinendawimo weak welagep meneat he, hobuk an ninom ambi asugun andi sambul, hinendawimo hinagaiyek asugun o. Hit hinendawimo hinagaiyek andi, it afuni ekhe nen legetfisogoin mondok lego.

YOHANES 21:5

A'nogo futfigi'lek were'ma, at Yesus nen yagaisikhi logolik he, mel yagaisasikhe: ”Ap yi sani. Nagoromi. Ikan ekhe wanheba?” iluk yagaisasikhemo, iren he, ”Mondok lego,” iluk yagatukwama,

KISAH PARA RASUL 12:14

Eilenggen ha wulibi wagaikhesik, Petrus ane enegat futfesikhesik, endawimo agaiyegen, kwe huthigi'legat herakfisaluk fungusek kwisikhesik he, ”Petrus kweba wagasik werego,” iluk yagaisasikhe.