LUKAS 24:4 - Allah Wene Fano Wene Hupla Inane

⁴ Warek ebe le'ma hasukwasik he, ”Yi ninggi'nogo hilinglagama,” iluk inobakheindok palagaikhesik menenei ebetunem, ap inebe pire inasu kut amulit hokho mene laberogo, it hemi ineilhanem aremnogo ka nen heat inera'lu menlasi wagaukwa.

LUKAS 24:4 ပူးပေါင်းရင်းမြစ်များ

KEJADIAN 18:2

ot legeisogo eilenggen yethasikhe re, afuni inebe henagan mene elokhoma mendek were'ma yerisasikhe. A'nogo yerisasikhesik, awi tenda wuri'mo a'nogo nen wulifikhesik, uarek it inera'lu lagaikhesik he, eindep awi yakfesikhesik,

MARKUS 16:5

Hasukwasik, horokhogo wagaukwasik inebe kwisukwa re, ap alage mene ekhe asu kut uan mene laberogo inenggi ebekwe higit hurek were'ma ineilenggen hasukwasik he, ina'manggen lagaikhe.

LUKAS 2:9

A'nogo were'ma aremnogo, Tuhan nen malaikat pogoroba nen yonggo pelakfisa wagarek mene ekhe ka nen waga heat wagaikhesik inera'lu menlagunem he, nineisena Tuhan ombak-bak hokho mene a'nogo inoba selegaphogo fisasikhemo, it inailo mondok hokho agaukwa.

LUKAS 24:5

Wagaukwama re, it hemi omanogo inailo nen inot somarogo were'ma re, it ap pire aremnogo nen hemi omanogo yagaisikhi logolik, mel yagaisasukwa: ”Hit he nenahalok at eluk aga mene andi herarik, afuni warek fisagarek oba yoma waga lagep?

KISAH PARA RASUL 1:10

Higi'lek logolik, at Yesus ebe liakfugu kwelek ineilenggen pogoroba higit liabek were'ma aremnogoat, ap inebe pire inasu kut mene laberek mene inera'lu menlasi pi wagaukwa.

KISAH PARA RASUL 12:7

A'nogo were'ma re, malaikat Tuhan yonggo pelakfisa wagarek mene omanogo ekhe ka nen heat andoma menlagunem he, o hulu senggele'ma a'nogo mondok selek ombak hokho mene hilinglagaikhe. A'nogo hilinglagaikhemo, at malaikat a'nogo nen he, Petrus eluk asuageluk abelenggen oba enggi nen elelhikhi logolik, mel yagatikhe: ”Weak-weak menlame,” iluk yagatikhemo menlagunem he, posiemanggen a'nogo enggiba nen erabisak lologo pisikhe.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.