LUKAS 24:36 - Allah Wene Fano Wene Hupla Inane36 Wene a'nogo oan pilingisogo ugunem, at Yesus ebe ka nen heat inanggele'ma menlagaikhesik he, ”Nagoromi. Hinendawinggen hambukhogo logoni o,” iluk hai warinafunem, အခန်းကိုကြည့်ပါ။ |
LUKAS 24:36
13 ပူးပေါင်းရင်းမြစ်များ
A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.
ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.
A'nogo yagaisasikhesik oba nen he, inenggi 7 nen welagaukwasigen ekheba it Yesus agoromi ane wanhi lagaukwa mene omanogo Tomas inomat, o a'nogoat andogotukwasik, kwe mondogat kolok watfuluk welagaukwa meneat he, at Yesus wagaikhesik inanggele'ma menlagaikhesik he, mel yagaisasikhe: ”Nagoromi. Hinalabok, hina'manggen lagup,” iluk a'nogo yagaisasikhesik,
Yesus ebe wa'lagaikhesigen eluk a'luk, enggi 40 hari inom logolik he, at ebe furogo futfouwageluk yi mene ti mene elalin mene hokhorogoat hilingiti lagaikhe. A'nogo hilingiti logolik, aren he, ”An nebe yi. Ineilenggen furogo neoago,” iluk hobugalep inelokhoma menla'luk inugisigik, Allah awe a'ma welagaikharek wene yagaisigik, ikhi lagaikhe.
An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.
ကြော်ငြာတွေ