LUKAS 24:32 - Allah Wene Fano Wene Hupla Inane

³² A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.

LUKAS 24:32 ပူးပေါင်းရင်းမြစ်များ

MAZMUR 104:34

Aren an nendawimo nagaiyeget fugunem an wuni wati lagi andiba, At oba liok ikhi logouwak.

MAZMUR 39:3

A'nogo igiresik he, nendawimo heiselhunen an nane igi'lek peget fisaluk logolik he, an nen fano mene omanogo obogerisaluk hilingiti'lek welagi. Nen an noba ou hikhi lagi mene a'nogo ekhe inom enggin asi wagunem hikhi lagiat.

AMSAL 27:17

No posiemanggen ekhe nen ekhe enggat kabelherek hak, afuni nen ogo inagaila'lak ekhe inom inendawinggen kabel-kabel ikhi logogun fano.

AMSAL 27:9

Amusu amben mene inom, amben-ambenengge inebene watarek mene omanogo inomen inendawimo healherek hak he, inagaila'lagen fanorogo hilingfisagarek mene andi re inendawimo inagaiyek mondok agarek.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEREMIA 20:9

Oba nen an nendawimo nen anggikhi logolik, ”Tuhan andi re oba nonggorasimbik logoigen, At enuba yagaisugu aplere nabit,” iluk ikhi lagiba nen he Hat hane ikhi lagen mene andi re endu hangge nendawimo fil-fil hili'logo. A'nogo hilingitunem an nen hambuget hagain iluk walhikhi lagiba nen, hilingisu elo'lek mene ari'logo.

YEREMIA 23:29

An nane andi re endu higit werek, nen helep martelu ba fouthugunem serelhigik lagarek andi hak werek.

MARKUS 4:34

It afuni ekhe yagaisageluk halok he, wene oba lithigik enek yagaisikhi lagaikhe meneat he, at agoromi ane wanhi lagaukwa mene omanogo nek he, inom inale'ma logolik, wene ebe weinamat fakhogo yagaisikhi lagaikhe.

LUKAS 24:45

Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

KISAH PARA RASUL 28:23

A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.

IBRANI 4:12

At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.