LUKAS 24:30 - Allah Wene Fano Wene Hupla Inane

³⁰ Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe.

LUKAS 24:30 ပူးပေါင်းရင်းမြစ်များ

MATIUS 14:19

Yagaisasikhemo re, wogosi wagaukwama, at Yesus nen afuni hokhorogo omanogo mel yagaisasikhe: Pumbuk ebene andoma hu'larik lani o, iluk yagaisasikhemo hu'larik lagaukwama re, sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liakhasikhesik Allah hai warogo kurogo re, agoromi ane wanhi lagaukwa mene omanogo nen sumburisoageluk he, wogisasikhemo sumburisasukwa.

MATIUS 15:36

Yagaisasikhesik he, sumburu roti mene 7 nen aremnogo inom, ikan aremnogo inom, enggim wanhikhesik, Allah hai warogo re, enggi nen sumburu roti mene aremnogo kurogo afuni hokhorogo omanogo sumburisoageluk, at agoromi ane wanhi lagaukwa mene omanogo wogisasikhemo, sumburisasukwa.

MATIUS 26:26

At Yesus nen wene a'nogo yagaisasikhesik, sumburu ninggi logolik, roti mene enggim wanhikhesik he, Allah hai warogo, ebe kurogo it omanogo sumburisikhi logolik he, mel yagaisasikhe: ”Yi an nebe aro. Wanimbik he nani o,” iluk yagaisasikhesik,

MARKUS 14:22

At Yesus agoromi inom a'nogo sumburu inom ninggi logolik, aren he, sumburu roti mene enggim wanhikhesik Allah hai warogo sumburisikhi logolik he, mel yagaisasikhe: ”Yi re An nebe aro wanimbik nani,” iluk yagaisasikhe.

MARKUS 6:41

A'nogo arat hu'larik lagaukwama re, at Yesus nen sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liakhasikhesik, Allah hai warogo roti aremnogo kurogo re, agoromi ane wanhi lagaukwa mene nen afuni hokhorogo omanogo sumburisoageluk wogisasikhe. Nen, ikan pire aremnogo a'nogoat it mondogat sumburisoageluk kurogo wogisasikheat.

MARKUS 8:6

A'nogo yagatukwama, aren he, afuni hokhorogo andogorek welagaukwa mene omanogo kweangma hu'lasuageluk yagaisasikhe. Yagaisasikhesik sumburu roti 7 nen aremnogo enggim wanhikhesik he, Allah hai warogo re, enggi nen sumburu roti mene aremnogo kurogo afuni hokhorogo omanogo sumburisoageluk, agoromi ane wanhi lagaukwa mene omanogo wogisasikhemo sumburisasukwa.

LUKAS 22:19

A'nogo yagaisasikhesik, hobuk sumburu roti mene enggim wanhikhesik he, Allah hai warogo nen ebe kurogo re, agoromi sumburisikhi logolik he, mel yagaisasikhe: ”Yi an nebe aro. [An nebe hit faget noatunem wa'lasigin andi, an noba eberek logobagaigen he, yi'nogoat ninggi logoino,” iluk yagaisasikhemo,

LUKAS 24:29

A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

LUKAS 24:35

Lagaukwasik, it inebe pire aremnogo nen ebe khalem waga logolik Yesus inom hilingitukwa mene inom, sumburu kurogo sumburisugunem ebe futfesukwa mene a'nogo inom, mondok pilingisogo yagaisasukwa.

LUKAS 9:16

Arat hu'larik lagaukwama re, at Yesus nen sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liak hasikhesik, Allah hai warogo re, sumburu inom, ikan inom, aremnogo kurogo, at agoromi omanogo nen afuni hokhorogo omanogo sumburisoageluk he, wogisasikhe.

YOHANES 6:11

A'nogo hu'larik lagaukwama re, at Yesus nen sumburu roti mene aremnogo enggimo wanhikhesik he, ”Allah neisena,” iluk hai warogo afuni hokhorogo hu'lagaukwa mene omanogo sumburisasikhesik he, ikan aremnogo a'nogoat sumburisasikhe. Sumburisasikhemo it inendawimo nen, nelo anggasukwa hagat inalabut ninghogo nasukwa.

KISAH PARA RASUL 2:42

Inom lambukhogo fanoat logolik he, it ap Yesus nen wenagaisogo inayonggo fuluk lakfisasikhe mene omanogo nen wene yagaisugunem hundik-handigat inesanggo holhik, sumburu inom kurogo ninggik, samban inom igik, ikhi lagaukwa.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

KISAH PARA RASUL 27:35

A'nogo yagaisasikhesik, sumburu roti mene ekhe enggim wanhikhesik he, it mondogat ineilhanem Allah hai warogo, at tak kurogo nasikhe.