LUKAS 23:54 - Allah Wene Fano Wene Hupla Inane

⁵⁴ Fei lagaikhe andi sambul he, it Yahudi mene endebat wela'luk samban uogeluk logolik, yi mene ti mene andogorogo fagarek oba hari Jumat fesikhe.

LUKAS 23:54 ပူးပေါင်းရင်းမြစ်များ

MATIUS 27:62

It afuni Yahudi mene samban hubet oba ikhi logolik weat logouwogeluk he, yogondak hak yi mene ti mene andogorogo fuluk, it ap Allah eisewerek mene inogogwi kaindek omanogo inom, Farisi mene inom, inebe andogorogo Pilatus oba lagaukwasik he,

MARKUS 15:42

At Yesus wa'lagaikhe andi re, it afuni Yahudi mene ohealekwe inenggi sabit oba Allah faget weat logouwogeluk, yi mene ti mene andogorogo fugu kwelek wa'lagaikhe. Wa'lagaikhemo, o arat hubagaikhemo re, ap ekhe Yahudi inogogwi kaindek wene pilingisuogeluk inom andogoti lagaukwa mene enu Yusuf, aiba o Arimatea mene. Obabut fano nen he, afuni nen, ”At fano,” iluk abok ikhi lagaukwa. A'nogo hilingiti logolik, endawimo nen he, ”Allah nen awe a'ma mera nen ninobagagin,” iluk nenangorogo welagaikhe mene andi, Pilatus ailo legat lagaikhesik he, Yesus warek kino kwisikhe.

LUKAS 23:53

Kino lagaikhemo, at Pilatus nen, ”I o, fano,” iluk yagatikhemo, wagaikhesik Yesus warek a'nogo eba nen pelakfei wagaikhesik he, su kain kut meneba yinggilogo re, oumo afuni warek fisikhi logouwogeluk helep anggwe kerat folelhukwasik he, warek oan figi'lek mene a'nogoba fei lagaikhe.

YOHANES 19:14

Hu'lagaikhe andi sambul he, ohealekwe seni enu Paskah a'nogo nilik louwogeluk, yi mene ti mene andogorogo fugu kwelek, jam 12 hangge lingge tulem hu'lagaikhe. Hu'lagaikhesik, afuni Yahudi mene mel yagaisasikhe: ”Ap yi sani. Ap yi hit hinoe Enupogot yi hineilenggen hani!” iluk yagaisasikhemo,

YOHANES 19:31

Andi sambul he, ohealekwe inenggi sabit oba Allah faget weat logouwogeluk isukwa. Meneat he, inenggi sabit oba Allah faget weat hundik-handik welagaikharek hangge fuk. We, hunogoat esin mene logouwogeluk a'luk he, mel isukwa: ”Ninenggi Allah faget weat werek kwelek it inebe eba menfisaga mene andi warek eba mondok logou re, ninabit,” iluk, ap warek andi inoak sombologo fuluk, kobokhogo pelakfei wesuogeluk, it ap Yahudi mene nen, at Pilatus kino yagasi lagaukwa.

YOHANES 19:42

A'nogo were'ma, ohealekwe re. it afuni Yahudi mene inenggi sabit oba Allah faget weat logouwogeluk, oumo a'nogo horogat andi nen he, warek a'nogo oumo andi fei lagaukwa.