LUKAS 23:43 - Allah Wene Fano Wene Hupla Inane

⁴³ at Yesus nen he, mel yagatikhe: ”O yogondak yibaat o fanoma Firdaus andoma nemberek kwimbik logogun o, iluk eberogoat yagaheti,” iluk yagatikhe.

LUKAS 23:43 ပူးပေါင်းရင်းမြစ်များ

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

LUKAS 19:10

Telhinafe mene andi, an abat ta'lasi wagagi a'nogo, it afuni nong ari'lagwi mene heragaisogo telinabigeluk wagagi aro,” iluk yagaisasikhe.

LUKAS 23:42

hobuk, at Yesus mel yagatikhe: ”Noe e! Hat kain henupogot logoigeluk waga logolik, an noba ebe'no o,” iluk yagatikhemo,

YOHANES 14:3

An o andoma arat lambik he, hit hinaiba arat tegelogo fuluk, an logogin oba andoma ninom logouwogen iluk, nambotkwe wokhinabi wesigin o.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

2 KORINTUS 5:8

Andi nenat ninendawimo se welago. Ninagap yi nonggologo herakfisaluk, ninoe Enupogot were'ma kwimbik ninom logoilo ninamolo e, anggikhi lago.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.