LUKAS 23:38 - Allah Wene Fano Wene Hupla Inane

³⁸ Nen, iren he: ”Afuni Yahudi mene inoe enupogot he, ebe yi aro,” iluk lisu palogo e Yesus menfesukwa mene a'nogoba fesukwa.

LUKAS 23:38 ပူးပေါင်းရင်းမြစ်များ

MATIUS 2:2

Wagaukwasik, iren he, mel isukwa: ”Afuni Yahudi mene inoe raja kain mene ta'lagasik werek a'naga, o ki ta'lagasik werek. Nit o mo yegelogo lagai wagare'ma andoma were'ma, ap kain andi ta'lagama iluk, hesagal ekhe weinam agama re, at andi ninendawinggen oba himbiret fuluk fogerasuogeluk hesagal andi nineilenggen nen waluk heinok wani wago,” iluk isukwa.

MATIUS 27:11

At Yesus ap Pilatus Gubernur kain mene a'nogo oba waluk wagaukwama elokhoma menlasi lagaikhemo re, aren heinok oba wokhikhi logolik mel yagatikhe: ”Afuni Yahudi mene inoe enupogot a'nogo hat faget aga?” iluk yagatikhemo, at Yesus nen he: ”Hat egen andi aro,” iluk yagatikhe meneat he,

MATIUS 27:37

Logolik he, ”Ap yi wene ero yi oba fogosigen wato o,” iluk u hak, ”Yesus afuni Yahudi mene inoe kain enupogot ebe yi aro,” iluk lisu palogo eba unggul higithogo te'merogo fesukwa.

MARKUS 15:18

A'nogo ikfuluk he, mel yagatukwa: ”Wi! Afuni Yahudi mene inoe henupogot a'nogo harat higi o, wi!” iluk hai wati lago lembek inane asegen wokhigik isukwa.

MARKUS 15:26

A'nogo fesukwasik, ”Ap yi wene ero yi oba fogosigen wato,” iluk u hak, ”Afuni Yahudi mene inoe kain enupogot,” iluk lisu palogo fesukwa.

MARKUS 15:32

Kristus it afuni Yahudi mene inoe enupogot yi re, niren eberogoat anggouwogen he, nineilhanem e ariba nen pi we'nik he,” iluk inane asegen wokhikhi lagaukwa. Nen, it ap ekhe eba Yesus inom menfisasukwa mene aremnogo nen, Yesus inane asegen a'nogo wokhasukwaat.

LUKAS 23:3

A'nogo yagatukwama, at Pilatus nen Yesus oba heinok wokhikhi logolik he, mel yagatikhe: ”Ap Yahudi mene inoe enupogot a'nogo hat meneat aga?” iluk yagatikhemo, at Yesus nen he, ”Hat honggwaregen egen andi aro,” iluk isikhemo,

YOHANES 19:3

A'nogo isukwasik he, inebe hokhorogo peterogo kwikhi logolik he mel yagatukwa, ”Afuni Yahudi mene inoe kain Enupogot a'nogo harat higi o, wi?” iluk yagati logolik yei elokhenggen inenggi tap wati lagaukwa.