LUKAS 22:40 - Allah Wene Fano Wene Hupla Inane

⁴⁰ Arat lagasukwasik he, mel yagaisasikhe: ”Weak hilingisuageluk hinendawimo kagali wesinogo iluk, sambanat ikhi logoni o,” iluk yagaisasikhesik he,

LUKAS 22:40 ပူးပေါင်းရင်းမြစ်များ

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 119:133

Haren wene watnisasigin mene a'nogo higithogo an neisok peikhogo warigi hanogoluk omamet nobagakhi logoin, Weak mene nen an sebelnarek logoinoluk oboget nea fuk.

MAZMUR 17:5

An he hundik-handik Haren yaganetu mene omanogo nek hilingiti lagi, nen Hat hoba nen taganhogo wulibi laga lagi mondok lek.

MAZMUR 19:13

Kwe inonggotma nong agaikharek hak, ninonggotma weak hilingitorek mene ninonggwaregen futfou elo'lego. An tukhumhogo nonggot logolik, weak hilingiti mene ekhe werek halok he, fikhalogo nobagain o, neisena.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

LUKAS 11:4

It afuni nit weak hilingninabi'lagwi mene inebe lombok niren sebelogo legetfisogo andi hak, niren weak hilingiti lago mene haren sebelogo legetfisan o. Weak hilingisuageluk ninendawimo kagalhu halok herakninobagagi'lek fetninarek mondok logoino, iluk samban ikhi logoino,” iluk yagaisasikhe.

LUKAS 22:46

Isa wagaikhesik he, mel yagaisasikhe: ”Hit nenahalok nogo ikhi lagep. Weak hilingisuageluk hinendawimo kagali wesinogo nen he, hinebe hineluk asimbik samban ikhi logoni o,” iluk yagaisasikhe.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.