LUKAS 21:36 - Allah Wene Fano Wene Hupla Inane

³⁶ Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

LUKAS 21:36 ပူးပေါင်းရင်းမြစ်များ

AYUB 27:10

Ebe eberogo mene re aren inagaiyek agarek mene a'nogo Allah nen wo'nelebe e, iluk endawinggen eberek logolik, aren samban Allah ba ninghogo ikhi logogin halok fano.

MAZMUR 1:5

Allah nen he wene afuni inoba figik kotik ikhi logolik, it inobabut higithogo hilingiti'lek kwanirogo nek hilingitarek mene andi wene inoba fuluk weagerinafik, nen Allah againafuri mene inanggele'ma nen lisogo wulak fisigik igin o.

YEREMIA 35:19

Andiba re An Tuhan Nomame Mondok Hokho mene, Allah Israel mene ineisena a'nogo nobaget, ap Yonadab hun Rekhab ambisangma mene nen inenggi mondok-mondok andoma faget An nobaget hilingitu mondok logogun o,” iluk ikhe o igi.

MALEAKHI 3:2

Oba nen he ap sa hagen linggene Tuhan weinam asi wesigin oba andi hambuget haluk logou hak nogo? At ebere ap posiemanggen endu oba weragaisogo wurik asuageluk fano pugunhogo obabut palharek andi hakhogo inom, nen it sabun wurikhogo hilingitarek andi hakhogo inom hilingik logogin.

MATIUS 24:42

A'nogo hilinglasigin andi nen hiren he, Ninoe Enupogot mera wesigin, hinonggot andi nen he, hinebe hebelogo logoino o.

MATIUS 24:43

Nen, ap awi eisewerek mene ekhe endawimo nen he, ”O yogondak hubanggo re, jam tiba an naiba yoma ap ekhe yogot wanigeluk kwi wesigin,” iluk, elu logoilepma re, at ebe aiba andi kagalek mondok were'ma, o pin talogo yogot wani kwilep lek, iluk, hineluat anggigi.

MATIUS 24:44

Andi hak he, hit hinendawimo nen he, ”At ti sambul wesigin, iluk anggigi'lek hinonggorat werek kwelek, an abat ta'lasi wagagi a'nogo re, arat wesigin andi nen he, hinebe hebelogo logoino,” iluk yagaisasikhe.

MATIUS 25:13

Yesus nen a'nogo yagaisasikhesik he, ”Andi hak, an wesigin andi, hiren, o yi sambul, jam yiba wesigin iluk, hinonggot andi nen he, nenangotnarek logolik hinebe hebelogo logoino o,” iluk yagaisasikhe.

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MARKUS 13:33

Mera hilinglasigin hit hinonggorat andi nen he, hinobabut hebelogo kagalek logoino o.

MARKUS 13:37

hinobabut hebelogo logobagaigeluk, yagahisigi o. Hit yagahisigi mene andi re afuni mondogat inomat yagahisigi o,” iluk yagaisasikhe.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 20:35

it afuni wa'lagunem en, Allah nen inelugerinabumo nen, o hobuk logogun oba andi re, elok logouwak, iluk anggikherek mene nek andoma logolik, hemi ikhigik, it ekhe igisigik, ikhi logogun mondok lego.

LUKAS 21:35

paik sapna nen alperelogo waterek hak, an wene igi andi misigamat hilingiti logolik, afuni kweangma mene mondogat weagerinafi logolik, hit hinomat weaget hinabinogo iluk he, hinebe hebelogo logoino.

KISAH PARA RASUL 10:2

At Allah ailorogo logolik againafuri inomen fogerati lagaukwa. Fogerati logolik he, it afuni Yahudi mene omanogo ekhe inenggi lek inelagaik mene hokhorogo leberisikhi logolik, samban kamo igi'lek ugu mondok welagaikhe.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

2 KORINTUS 4:14

A'nogo yagaisikhi logolik, ninendawimo yi'nogo anggikhi lago. At Allah nen he, ninoe Enupogot Yesus ambotkwe eluget fesikhe andi hak, nit at ninom higithogoat nineluget ninafikhesik he, hit ninomat Yesus oba ninobagai lagain iluk ninelu.

KOLOSE 4:2

Samban he, Allah hai wati logolik, hinaberali agi'lek hundik-handigat ikhi logolik, hinebe hebelogo logoino o.

1 TESALONIKA 5:17

Hit samban hundik mondok ikhi logoino.

2 TIMOTIUS 4:5

It a'nogo hilingitu kwelegat he, hat he, yi mene ti mene faget, hobabut hebelogo logolik, hoba yi enggin ti enggin hikhi logolik, hafe morogoat logoino. Fano wene yagaisilik nikharek andi meneat esinet fuluk he, Allah nen, ”Yi'nogo leberisikhi logoino,” iluk, hayonggo fesikhe mene andi ekhe herakfisigi'legat higithogo hilingiti logoino.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.

WAHYU 11:4

It ap inebe pire andi re, e zaitun pire inom, esage ibilharek mene eisok telik pire mene inom, nineisena Enupogot yi mene ti mene mondogat eisewerek welagarek mene elokhoma welagaikharek a'nogo, it ap andi aro.

WAHYU 7:9

A'nogo higiri'mo nen, ombo'ne neilenggen isigi re, yi afuni ti afuni inunggulenu lombok, inagap lombok, inawi lombok, inane lombok, su kut uandek laberek mene, afuni nen wuni wati logolik, feigengga sombologo inenggim wanharek andi hak, e engga mene inenggim waluk, Allah kain welagarek obuluk oba andoma Domba Eak emberek were'ma ineilhanem andogorek inebe huli yiba iluk, inenggi wenasu mondok elo'lek logolik, inane hokhorogo mel ikhi lagaikha:

WAHYU 8:2

A'nogo welagasigen, hobuk neilenggen yethigi hak he, malaikat inebe 7 nen Allah elokhoma mendek were'ma pinggong ane hokho mene ebe 7 nenat wogisugunem hisigi.